1 Reyes 21:19 - Chayahuita (Shahui)

¹⁹ Quënanconpatan napotëquëꞌ: ‘Naporin Sinioro: Napoto tëparahuaton oparonën matëran. Inapotëran niꞌton, niꞌniraroꞌsari huënainën irotërin. Ina marëꞌ quëmanta inaquë chachin niꞌniraroꞌsa huënainën irotapënën,’ itëquëꞌ,” itërin.

1 Reyes 21:19 ပူးပေါင်းရင်းမြစ်များ

Génesis 3:11

—¡Iꞌyan! ¿Onporahuatomata nitotapanamasoꞌ? Nara aꞌnaíchin nininsoꞌ: “Ama isoso nitërinso caꞌquësohuëꞌ,” itopiranquënhuëꞌ: ¡Nani caꞌnan! itërin.

2 Samuel 12:11

Caso Sinioroco niꞌton, shaꞌhuitaranquën: Ca nohuanton aꞌna tahuëri quëmopinënpita chachin maꞌsha onpotatënënquën aparisitarinënquën. Ca nohuanton aꞌnara quëmopinën, cosonanënpita osërëtarinquën. Osërëtahuatënquën yaꞌipi niꞌtërantapaiquë ichiquëhuënapon.

2 Samuel 12:9

Nani carima pënënanquëmaꞌ: Nimapatamaꞌ ama nitëhuananpitocosohuëꞌ, itëranquëmaꞌ. Naporahuaton ama tëpatocosohuëꞌ itëranquëmaꞌ. Napo pënëntërahuësoꞌ co nocanacaso yaꞌhuëpirinhuëꞌ, nocanan. ¡Inapoaton co costarahuësohuëꞌ ninan! Quëma camaitëran quëran Oriasë amonoꞌsari tëparin. Inapotahuaton saꞌin matëran.

1 Reyes 22:38

Ina piquëran aꞌnaquën piyapinënpitari iꞌsha tapapiquë toronanën paꞌmotopi. Inaquë chachin monshihuantë sanapiꞌsanta amapi. Siniorori Iniasë quëran iráca shaꞌhuitërinso chachin, niꞌniraroꞌsarinta huënainën irotopi.

2 Reyes 6:32

Irisiosoꞌ, pëinënquë yaꞌhuëarin. Israiro ansianoꞌsarë chachin huënsëatonaꞌ, ninontapi. Napoasoi copirnori tëpacaso marëꞌ aꞌpairinso quëmapi, nani yaꞌcaritëriarin. Coꞌhuara canquiyátërasohuëꞌ, inaso ansianoꞌsa itapon: —Copirnosoꞌ tëpatonaꞌpi huiꞌnin nichinapon chachin nani aꞌpairin comision nishitëconotiincoso marëꞌ. Napoaton ina canquihuachin, yaꞌcoana oncotahuatoma patëëtocoꞌ. Ina piquëran copirno chachinta canquiarin, itërin.

Copo naporinso' 31:39

Napoaporahuëꞌ, iminënaquë shaꞌtopisopita nitërinsoꞌ ihuahuato, Yosë nohuanton noꞌpanëhuëquë trico yaꞌhuërënamën, nahuanoꞌsaráchin papoin. Imin camayoroꞌsanta topinan quëran asacatohuato, Sipata yaꞌhuërënamëntaꞌ, pacatorora papoꞌin,” tënin Copo. Inapochin Copo, amiconënpita aꞌpanirinsoꞌ, tiquirin.

Habacuc 2:12

Canpitaso ninanonëma tapamaso marëꞌ piyapiꞌsa ihuaramaꞌ, notohuaroꞌ tëparamaꞌ, naporamaꞌ. Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!

Habacuc 2:9

Canpitaso aꞌnapita minsërahuatomaꞌ, maꞌshanëna matëramaꞌ. Inaquë quëmopinëmapita amaꞌhuanamaꞌ. Yaꞌhuëcamaso marëꞌ noyápiachin pëiroꞌsa ninamaꞌ. Ama maꞌsha onpotiinëmaso marëhuëꞌ noyá niacorapiramaꞌ. Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.