1 Reyes 2:6 - Chayahuita (Shahui)

⁶ Napoaton yonquínahuan maꞌsha niquëꞌ. Inaporinso marëꞌ ama noya chiminchinsohuëꞌ.

1 Reyes 2:6 ပူးပေါင်းရင်းမြစ်များ

Génesis 42:38

Cacoposo nipirinhuëꞌ, tapon: —Huiꞌnahuësoꞌ, co onporo paꞌsarinhuëꞌ. Iin mashonën nani chiminin. Inaíchin ina yoꞌnanquëranchin nipisoꞌ yaꞌhuëarin. Paꞌnamaquë ina yaꞌhuërëꞌ maꞌsha onpoantahuachin, caso mashoco, sëto tëpaponco huachi, tënin.

Génesis 9:5

Canpita capinisoꞌ, co nitëpamaso yaꞌhuërinhuëꞌ. Tëpatohuatamaꞌ, anaꞌintaꞌhuanquëmaso yaꞌhuërin. Maꞌsharoꞌsarinta piyapi tëpahuachin, anaꞌintarahuë. Tëpatohuatamaꞌ, aꞌnaya aꞌnayanquëma tëhuënchachin anaꞌintaranquëmaꞌ.

Génesis 9:6

Insosona piyapi tëpahuachin, aꞌnari iꞌhuërëtarin. Cá pochachin nicamaso marëꞌ acoranquëmaꞌ. Napoaton, co nitëpamaso yaꞌhuërinhuëꞌ.

1 Reyes 2:7

Carataquë yaꞌhuërinso Parisirai huiꞌninpitaso nipirinhuëꞌ, nosoroaton catahuaquëꞌ. Quëma coshatëranso misaquë chachin inahuanta coshachinaꞌ. Iráca iya mashoco Apësaron yaꞌhuërëtatonco noꞌhuirinco niꞌton, taꞌananpirahuë. Naporoꞌ inahuasoꞌ, nosoroatonaco paꞌpoyarinaco. Napoaton nosoroquëꞌ.

1 Reyes 2:9

Ipora quëmarisoꞌ ama huachi nichaꞌëquësohuëꞌ. Yonquínahuanquën niꞌton, maꞌsona onpotacasoꞌ nitotaran. Inaporinso marëꞌ ama noya chiminchinsohuë antaꞌ,” itërin.

1 Reyes 3:12

Napoaton natanancosoꞌ, carinquën quëtaranquën. Ca nohuanton aꞌnapita quëran yonqui yonquínahuan nisaran. Iráca quëran huarëꞌ co insonta quëma pochin nininhuëꞌ. Aꞌna tahuërinta yaꞌhuëpirinahuëꞌ co quëma pochin nisapihuëꞌ.

2 Reyes 22:20

Carinquën quëtaranquën noya chimintamasoꞌ. Inapoaton shimashonënpita paꞌpitopiquë paꞌpitaponën. Iso ninanoꞌ, piyapinënpita, inapita ataꞌhuantërahuëquë parisitopisoꞌ, co niꞌsaranhuëꞌ, tënin, itonco huaꞌanëmaꞌ,” itërin. Copirno aꞌparinsopitasoꞌ, huaꞌanënaquë huënantarahuatona ina inachachin shaꞌhuitopi.

Salmos 37:37

Noya nicaton noꞌtëquënáchin imarinsoꞌ, niꞌquëꞌ. Inasoꞌ co paꞌyan paꞌyan tëcatonhuëꞌ, sano cancantapon.

Isaías 65:20

Inaquëso huaꞌhuaroꞌsantaꞌ, co huachi ipora huaꞌhuatapona chiminaponahuëꞌ. Mashoyaroꞌsaꞌ, paiyaroꞌsaꞌ, inapitanta tahuërinëna naniquëhuarëꞌ, chiminaponaꞌ. Pasa piꞌipitasoꞌ chiminpachina, ‘huiꞌnapi nipirinhuëꞌ chiminin,’ taponaꞌ. Co pasa piꞌipichátërasohuëꞌ chiminpachinasoꞌ, ‘ama huachi noya yaꞌhuëꞌinsohuëꞌ, itopi niꞌton, chiminin,’ taponaꞌ.