1 Reyes 2:5 - Chayahuita (Shahui)

⁵ Coapo naporinsoꞌ, ama naniantëquësohuëꞌ. Inasoꞌ, cato sontaro huaꞌanoꞌsa tëparin. Niro huiꞌnin Apiniro itopisoꞌton tëparahuaton, Itëra huiꞌnin Amasa itopisonta tëparin. Inapitariso quiraquë ahuëtatona tëpatopirinahuëꞌ, Coaporisoꞌ, ina iꞌhuërëtërin. Napoaponahuëꞌ, co quira tahuëri napotërinhuëꞌ. Topinan tahuëri napotërinso marëꞌ naꞌinin. Quëmari iporasoꞌ, noꞌtëquën anaꞌintacaso yaꞌhuërin.

1 Reyes 2:5 ပူးပေါင်းရင်းမြစ်များ

2 Samuel 17:25

Apësaronsoꞌ, sontaronënpita huaꞌanën nicacaso marëꞌ Amasa itopisoꞌ acorin. Coapo yaꞌhuërënamën ina acorin. Amasasoꞌ, aꞌnara Ismairo quëmapi huiꞌnin. Inasoꞌ, Itara itopi. Apicairo itopisoꞌ macaton huiꞌnahuaninsoꞌ. Apicairosoꞌ, Naasi huiꞌnin. Naporahuaton Sirohuia cainpain. Nani shaꞌhuitëranquëmaso chachin inasoꞌ, Coapo, Apisai, inapita aꞌshinaꞌ.

2 Samuel 18:12

—Huarancatë coriqui prata quëran nininsoꞌ quëtopirancohuë tërantaꞌ, co tëpaꞌitohuëꞌ. Nani quiyanta natanai copirno camairinquënsoꞌ. Apisai, Itai, inapitanta ina chachin camairin. Ama huiꞌnin maꞌsha onpotamaso marëhuëꞌ camairinquëmaꞌ.

2 Samuel 18:14

—Co nonsápatë tahuëri chiniacaso yaꞌhuërinhuëꞌ, itërin Coapori. Napotahuaton cara huaꞌnaroaꞌhua manin. Ina masahuaton Apësaron paaparin. Inasoꞌ, inaquëranchin huëntënárin quënanconin. Quënanconahuaton cara huaꞌnaroaꞌhuaquë chachin ninopinëntaquëchin tëꞌyanantaton, papitërin.

2 Samuel 18:5

Sontaroꞌsa coꞌhuara pipiyátërasoihuëꞌ, Tapisoꞌ Coapo, Apisai, Itai, inapita camairin: “Noya nicatomaco natëhuatamacosoꞌ, ama Apësaron maꞌsha onpotocosohuëꞌ,” itërin. Yaꞌipi sontaroꞌsa natantonënquë inapita huaꞌanoꞌsa napotërin.

1 Reyes 1:7

Aꞌna tahuëri inasoꞌ, Coapo itapon: “Catahuaco cantaꞌ, copirno yaꞌcoin,” itërin. Itohuachina: “Noyapaꞌ, catahuainquën nipachin,” itërin inarintaꞌ. Apiataro corto huaꞌanta ina chachin natanpachina, inarinta aꞌpanirin.

Jeremías 2:34

Popriyaroꞌsaꞌ, co manta tëhuëpisopitahuëꞌ, inapita tëparamaꞌ. Co maꞌsha tëranta onpoasoi quënayatapomarahuëꞌ, inapotëramaꞌ. Huënainëna quëran, aꞌmoramaso tapitatë pochin nitërinquëmaꞌ.

Mateo 3:4

Coanshasoꞌ co noyápiachin aꞌmorinhuëꞌ. Ponira pochin aꞌmorin, camiyo anporo quëran nipisoꞌ. Shaꞌhuëtë quëran nitonporin. Sëquërë pochin nininsoꞌ macaton, caꞌnin. Ninoiꞌ quënanpachina, irorin.