1 Reyes 2:4 - Chayahuita (Shahui)

⁴ Huiꞌnanpita, shiparinpita, inapitanta inasáchin natëcaiso yaꞌhuërin. Inapohuatamaꞌ, carë anoyatërinso chachin, quëmopinënporáchin israiroꞌsa copirnonëna nicaponaꞌ.

1 Reyes 2:4 ပူးပေါင်းရင်းမြစ်များ

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

2 Samuel 7:25

Inapoaton quëmasoꞌ, shaꞌhuitërancosoꞌ yonquiráquëꞌ. Ama naniantëquësohuëꞌ. Cá quëran pipipisopitanta copirno yaꞌconpachina, shaꞌhuitërancoso chachin nitëquëꞌ.

1 Reyes 11:36

Huiꞌninsoꞌ aꞌna huëntoínchin huaꞌanëntapon huachi. Tapi quëran pipirinsoꞌ Quirosarinquë huaꞌanëntacaso marëꞌ napoarin. Inaquë chinotiinacoso marëꞌ huayonahuë niꞌton, napoarahuë.

1 Reyes 3:14

Nohuantërahuësoráchin nicaton, pënëntërahuësopita, camaitërahuësopita, inapita natëquëꞌ. Tataco natërincoso pochin nipatan, huaꞌqui tahuëri niꞌcamasoꞌ catahuaranquën,” itërin.

1 Reyes 3:3

Saromonsoꞌ Sinioro nosororin. Naporahuaton paꞌpincoꞌ pënëntërinsopita acorinsoꞌ, natërin. Napoaponahuëꞌ, inahuara nohuanton artaro acopiquë maꞌsharoꞌsa tëpaton, Sinioro chinotërin. Yonarin pochin nininsonta aꞌpëaton chinotërin.

1 Reyes 6:12

“Iporasoꞌ, chinotamacoso pëi nitaranco. Israiroꞌsanquëma yaꞌhuëramaquë yaꞌhuëcaꞌhuaso marëꞌ nitaranco. Yaꞌipi camaitërahuëso natëtonco noya niquëꞌ. Inapohuatan, carinta tataparinco shaꞌhuitërahuëso pochachin nitaranquën.

1 Reyes 8:25

Naporahuaton, isonta tata Tapico nani shaꞌhuitëran: ‘Ca nohuanton quëmá quëran pipipisopitaráchin israiroꞌsa huaꞌanëntaponaꞌ. Quëma natërancoso pochachin inapitanta natëhuachinaco, inapoapi,’ itëran. Ina pochin shaꞌhuitëran niꞌton, ina inachachin nitëquëꞌ.

1 Reyes 9:5

Ina pochin nipatan, quëmá quëran pipipisopitaráchin israiroꞌsa huaꞌanëntaponaꞌ. Tataparinco nani shaꞌhuitërahuë: ‘Ca nohuanto quëmá quëran pipipisopitaráchin israiroꞌsa huaꞌanëntaponaꞌ,’ itërahuë.

2 Reyes 23:25

Cosiasëráchin ina pochin Sinioro imaton, yaꞌipi cancanën quëran, yaꞌipi huaꞌyanën quëran, yaꞌipi chinirin quëran Sinioroíchin natërin. Moisësë pënëntërinso chachin natërin. Co inso copirno tërantaꞌ, inapochin iráca quëran huarëꞌ natërinhuëꞌ. Ina piquërantaꞌ, co huachi aꞌna ina pochin yaꞌhuëantarinhuëꞌ.

2 Reyes 23:3

Nani nontohuachina, Yosë pëinën yaꞌcoanaquë panca onë pochin nininsoꞌ pirayan huanirin. Inaquë huanirahuaton, Sinioro natëcaiso marëꞌ shaꞌhuitërin. Yaꞌipi cancanëna quëran huarëꞌ pënëntërinsoꞌ, camaitërinsoꞌ, inapita natëcaisoꞌ shaꞌhuitërin. Siniororë anoyatopiso natëcaisontaꞌ, shaꞌhuitërin. Yaꞌipi inapitasoꞌ, pënëntërinso quiricaquë ninshitopinan nani yaꞌhuërin. Ina pochin shaꞌhuihuachina, yaꞌipi niyontonpisopitantaꞌ, ina pochachin natëcaisoꞌ Sinioro shaꞌhuitopi.

Salmos 37:22

Siniorori catahuarinsopitasoꞌ, iso noꞌpaꞌ huaꞌanëntaponaꞌ. Inari co noyahuë yonquirapiton noꞌhuirinsopitasoꞌ, taꞌhuantaponaꞌ.

Salmos 37:9

Co noyahuëꞌ nipisopitasoꞌ, yaꞌhuëpiso noꞌpa quëran aꞌpaponaꞌ. Sinioro chinotopisopitaso nipirinhuëꞌ, yaꞌhuëpisoꞌ noꞌpaꞌ huaꞌanëntaponaꞌ.

Mateo 22:37

—Inta nipachin shaꞌhuichinquën. Yosësoꞌ Sinioro niꞌton, huaꞌanëntërinpoaꞌ. Ina naꞌcon nosorocasoꞌ yaꞌhuërin. “Yaꞌipi cancanëma quëran, yaꞌipi huaꞌyanëma quëran, yaꞌipi yonquinëma quëran, yaꞌipi inaquëranpita nosoromiatocoꞌ,” tënin.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Deuteronomio 10:12

Naquëranchin Moisësëri israiroꞌsa nontaantarin: “Israiroꞌsanquëma ninamasoꞌ, noya natancoꞌ. Maꞌsona noya nicacasoꞌ Sinioro nohuantërinsoꞌ shaꞌhuichinquëmaꞌ. Ina tëꞌhuatatë noya niꞌcasoꞌ nohuantërin. Noya nicatë natëcasoꞌ. Yaꞌipi cancanënpoa quëran, yaꞌipi huaꞌyanënpoa quëran nosoroatëꞌ, chinotacaso nohuantërin.

Deuteronomio 7:12

Naquëranchin Moisësëri israiroꞌsa nontaantarin: “Iporasoꞌ nani Sinioro camaitërinsopita shaꞌhuitëranquëmaꞌ. Ina natëtomaꞌ, ina inachachin nicoꞌ. Inapohuatamaꞌ, Sinioronënpoa canpoarëꞌ anoyatërinso yonquiarin. Ina yonquiaton noya catahuarinpoaꞌ. Nani shimashonënpoapita shaꞌhuitërin niꞌton, catahuaarinpoaꞌ.

Judas 1:24

Tata Yosësoꞌ yaꞌipi nanitaparin. Noya aꞌpaiarinquëmaꞌ ama anotërëso pochin tëhuëcamaso marëhuëꞌ. Catahuahuachinpoaꞌ, co sopai minsëarinpoahuëꞌ. Noya noya tapararinpoaꞌ imamiatacaso marëꞌ. Aꞌna tahuëri yaꞌhuërinquë noya niꞌsarinpoaꞌ. Inatohuasoꞌ noya noya. Capa cancantarihuaꞌ. Tata Yosëíchin huaꞌanëntërinpoaꞌ. Ina nohuanton, Quisocristo nichaꞌësarinpoaꞌ. Inasáchin catahuarinpoaꞌ noya chinotacasoꞌ. Ma noyacha Tata Yosëso paya. Iráca quëra huarëꞌ chini chiníquën nanantërin. Noya noya niꞌton, yaꞌipi piyapiꞌsari chinochinaꞌ. Inasáchin natëahuaꞌ. Ama onporontaꞌ naniantahuasohuëꞌ. Amen. Nani huachi. Cotasë