1 Reyes 19:8 - Chayahuita (Shahui)

⁸ Napotohuachina, caantarin, oꞌoantarin, naporin. Inaporahuaton, catapini shonca tahuëri tashirë chachin iratërin. Paꞌsápaton Oripi motopiꞌpaꞌ huarëꞌ canconin. Ina motopisoꞌ, Sinioro motopinën itopi antaꞌ.

1 Reyes 19:8 ပူးပေါင်းရင်းမြစ်များ

1 Reyes 17:6

Inaquë itatanoꞌsari nani tashiramiachin nani iꞌhuaraya nosha, pan, inapita quëpatopi. Yamorohuachina iꞌsha oꞌorin.

1 Reyes 19:7

Napoaponahuëꞌ, Sinioro anquëninëni pichiantarahuaton ochinaantarin. Capayatohuachina itapon: “Huënsëantarahuaton coshataantaquëꞌ. Áquë iratamaso yaꞌhuëtërinquën. Coꞌsoꞌ noya coshatohuatanhuëꞌ, co chinoranquë cancontaranhuëꞌ,” itërin.

Éxodo 19:18

Pën huáncana Yosë oꞌmarin. Conainta panca orno pochin tomontárin. Panca ocohua paꞌninso pochachin, yaꞌipi motopi nacon nacóntarin.

Éxodo 24:18

Moisësëso chitoro iꞌcopirinquë yaꞌconahuaton, motopi huiꞌnimotënꞌpaꞌ pantarin. Catapini shonca tahuëri tashirë chachin inatohua yaꞌhuërarin.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

Éxodo 34:28

Moisësëso naquëranchin catapini shonca tahuëri tashirë chachin, Siniororëꞌ yaꞌhuërárin. Co manta caꞌninhuëꞌ, co manta oꞌorinhuëꞌ. Naporoꞌ shonca nanan Yosë pënëntërinsoꞌ ninshitërin. Naꞌpitëaꞌhuaroꞌsaquë ninshitërin.

Éxodo 4:27

Naporo chachin Yosëri Aaron itapon: —Inotëro parti paꞌsahuaton Moisësë nacapiconquëꞌ, itërin. Yosë natëton Aaron paꞌnin. Yosë motopinën itopiquë paꞌnin. Inaquë Moisësë quënanahuaton, sëꞌquërin. Noya ninontopi.

Daniel 1:15

Inanapo tahuëri quëran catapini yaꞌpisoꞌ, aꞌnapita huiꞌnapiꞌsa copirno cosharonën caꞌpisopita quëran noya noya chinipi.

Mateo 4:2

Catapini shonca tahuëri tashirë chachin inaquë yaꞌhuaponahuëꞌ, co mantaꞌ caꞌninhuëꞌ. Ina piquëran tanarin huachi.

Marcos 1:13

Inatohuaꞌ catapini shonca tahuëri yaꞌhuërin. Tanan niꞌniroꞌsapitarëꞌ yaꞌhuërin. Sopai huaꞌanintaꞌ huëcapairahuaton, tënirin. Shaꞌhuitápirinhuëꞌ ama Yosë natëcaso marëhuëꞌ. “Inca, co nohuantërahuëꞌ,” tënin. Nani sopai paꞌpachina, anquëniroꞌsari oꞌmarahuatonaꞌ, Quisoso nocomaimapi.

Lucas 4:2

Inaquë catapini shonca tahuëri yaꞌhuërarin. Naporoꞌ sopairi huëcapairahuaton, shaꞌhuitopirinhuëꞌ ama Yosë natëcaso marëhuëꞌ. Catapini shonca tahuëri yaꞌhuaponahuëꞌ, co mantaꞌ caꞌninhuëꞌ. Ina piquëran tanarin.

2 Corintios 12:9

Sinioro shaꞌhuitërinco: “Ca nohuanto, ipora huantaꞌ parisitapiranhuëꞌ, nosoroatënquën, naꞌcon catahuaranquën. Carinquën achinicancanaranquën noya ahuantamaso marëꞌ. Co quëmaora nanitohuatanhuëꞌ, naꞌcon naꞌcon catahuaranquën. Maꞌsona tërantaꞌ onpohuatan, co onporontaꞌ pataranquënhuëꞌ,” itërinco. Napoaton co huachi sëtërahuëꞌ. “Co caora nanitohuatërahuëꞌ, Quisocristo naꞌcon naꞌcon catahuarinco,” taꞌto, noya cancantërahuë.

Deuteronomio 9:18

Naquëranchin Moisësëri israiroꞌsa nontaantarin: “Inapoatoma oshahuanamaso marëꞌ, naquëranchin isonahuato Sinioro nontërahuë. Iꞌhua naporahuëso chachin, catapini shonca tahuëri tashirë chachin co manta coshatërahuëꞌ, co manta oꞌorahuëꞌ. Panca tëhuëatoma Sinioro anoꞌhuitopiramahuëꞌ, canpita marëꞌ ina nontërahuë.