1 Reyes 19:7 - Chayahuita (Shahui)

⁷ Napoaponahuëꞌ, Sinioro anquëninëni pichiantarahuaton ochinaantarin. Capayatohuachina itapon: “Huënsëantarahuaton coshataantaquëꞌ. Áquë iratamaso yaꞌhuëtërinquën. Coꞌsoꞌ noya coshatohuatanhuëꞌ, co chinoranquë cancontaranhuëꞌ,” itërin.

1 Reyes 19:7 ပူးပေါင်းရင်းမြစ်များ

1 Reyes 19:6

Huënsërahuaton yonisarin. Niꞌpirinhuëꞌ, motoantërinso pirayan pan pënayaquë anpipisoꞌ, quënanin. Iꞌshanta yonshaquë ina pirayan huënsëarin. Ina quëran huanirahuaton coshatërin, oꞌorin, naporin. Nani coshatohuachina quëhuëantaton huëꞌantarin.

1 Reyes 19:8

Napotohuachina, caantarin, oꞌoantarin, naporin. Inaporahuaton, catapini shonca tahuëri tashirë chachin iratërin. Paꞌsápaton Oripi motopiꞌpaꞌ huarëꞌ canconin. Ina motopisoꞌ, Sinioro motopinën itopi antaꞌ.

Deuteronomio 33:25

Ama inimicoroꞌsari yaꞌcontacaso marëhuëꞌ, ninanonëna yaꞌcoanaroꞌsantaꞌ, noyá acoꞌinaꞌ. Chiníquën niꞌtona yaꞌhuëmiatacaiso marëꞌ nóya acoinaꞌ. Huaꞌnamia quëran, shaꞌpi huaꞌna quëran, ina quëranpita nipiso acoinaꞌ.