1 Reyes 19:21 - Chayahuita (Shahui)

²¹ Napotohuachina, paꞌsahuaton cato chachin toro asacatërinsoꞌ, tëpaconin. Ina anpicaso marëntaꞌ, nararoꞌsa oyoninsoꞌ manin. Inaquë nosha anpihuachina, caꞌpi. Nani caꞌpachinara, paꞌpin, aꞌshin, inapita, nontërin. Inapotahuaton, Iniasë imarin. Imaton, ina marëꞌ sacatërin.

1 Reyes 19:21 ပူးပေါင်းရင်းမြစ်များ

1 Reyes 18:43

Ina quëran piyapinën itapon: —Paaton marë parti notëtëquëꞌ, itërin. Napotohuachina, inaso paꞌsahuaton notëontarin. Huënantarahuaton: —Capa, co manta yaꞌnorinhuëꞌ, itërin. Napotopirinhuëꞌ, Iniasëri naquëranchin camaiantarin: —Canchisëro paꞌsahuaton notëontaquëꞌ, itërin.

2 Reyes 2:3

Canconpachinara, pënëntonaꞌpiroꞌsa inaquë yaꞌhuëpisopitari nacapipi. Nacapirahuatonaꞌ, Irisio itaponaꞌ: —Siniorori maistronën ipora tahuëri quëpararin. ¿Nani ina nitotëran to? itopi. —Nani mini nitotërahuë. Ama napoaponahuë canpitasoꞌ, ina shaꞌhuicosohuëꞌ, itërin Irisiori.

Éxodo 24:13

Itohuachina Moisësësoꞌ, Cosoirë chachin pacacaiso marëꞌ huanipi. Naporo ansianoꞌsa itapon: —Oꞌmaꞌhuai huarëꞌ isëquëranchin ninatacoi. Aaron yaꞌhuëarin. Orinta yaꞌhuëarin. Inapita yaꞌhuapi niꞌton, catahuarinquëmaꞌ. Aꞌnaquëma nanan yaꞌhuëtohuachinquëmaꞌ, inapita shaꞌhuitoco catahuainquëma anoyatocoꞌ, itërin. Inapo shaꞌhuitahuaton cato chachin motopiꞌpaꞌ pantapi.

Hechos 13:5

Saraminaquë nonshirahuatonaꞌ, cotio niyontonpiso pëiquë pantarahuatonaꞌ, Yosë nanamën shaꞌhuitopi. Nisha nisha niyontonpiso pëiquë shaꞌhuitëraꞌpiapi. Coansha Marcontaꞌ paꞌnin catahuacaso marëꞌ.

2 Timoteo 4:11

Nocasëíchin isëquë yaꞌhuërarin. Marcontaꞌ macaton, quëquëꞌ. Inasoꞌ noya catahuarinco.

Filemón 1:13

Isëquë quëparitacasoꞌ nohuantopirahuëꞌ, aꞌpataranquën. Quisocristo nanamën aꞌchinahuëso marëꞌ tashinan pëiquë yaꞌhuarahuë. Quëmantaꞌ isëquë yaꞌhuaran naporini, catahuaitoncohuëꞌ, tënahuë. Onisimo quëma yaꞌhuërënamën pochin catahuarinco niꞌton, co yaaꞌpaporahuëꞌ, aꞌpataranquën.

1 Samuel 6:14

Aꞌnara yaꞌhuëhuan Cosoi itopisoꞌ iminënquë toronansoꞌ canquihuachina, inaquë chiniconin. Panca naꞌpi inaquë yaꞌhuërinso pirayan chiniconin. Naporoꞌ yaꞌhuëhuanoꞌsari, toronan pëꞌshatona ihuë atarantopi. Cato ohuacaroꞌsanta tëpapi. Inapotahuatona ina ihuëquë chachin Sinioro marëꞌ yaꞌipi ahuiquitopi.