1 Reyes 19:20 - Chayahuita (Shahui)

²⁰ Naporo chachin Irisiosoꞌ, tororoꞌsa aꞌporin. Ina quëran taꞌarahuaton icantoonin: —Imasaranquën mini sinioro. Napoaponahuëꞌ, quëtoco paato, tata, mama, inapita nonta nontaꞌi, itërin. —Noya paquëꞌ. Ama napoaponahuëꞌ, napotëranquënsoꞌ naniantëquësohuëꞌ, itërin Iniasëri.

1 Reyes 19:20 ပူးပေါင်းရင်းမြစ်များ

Génesis 31:28

Huiꞌnahuëpita, shihuëpitantaꞌ, ichitaꞌairan niꞌton, co apinoto nontaꞌhuasoꞌ quëtërancohuëꞌ. ¡Co manta yonquirëhuë pochin ninan!

Mateo 19:27

—Niꞌquëꞌ Maistro. Quiyasoꞌ yaꞌipi maꞌshanëhuëi patahuatoi, imasarainquën. ¿Maꞌtaꞌ ina marëꞌ canapoi? itërin Pitrori.

Mateo 4:20

Napotohuachina, ritinënapita patahuatonaꞌ, Quisoso imasapi huachi.

Mateo 4:22

potinënaꞌ, paꞌpinaꞌ inapita patahuatonaꞌ, Quisoso imasapi huachi.

Mateo 9:9

Ina quëran Quisoso paantarahuaton, Matio quënanconin. Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, aꞌnaroáchin huanirahuaton, imarin.

Hechos 20:37

Naporoꞌ yaꞌipiya sëtatonaꞌ, naꞌnëpi. Paono iporahuatonaꞌ, apinopi.