1 Reyes 19:19 - Chayahuita (Shahui)

¹⁹ Siniorori napotohuachina, Iniasëso yaꞌhuërinquë paantarin. Apiri-miora yaꞌcari nipachina, Irisio sacatarin quënanconin. Shonca aꞌna quëmapiꞌsanta quëchitapi. Inapitasoꞌ cato cato tororoꞌsaquë noꞌpaꞌ ohuërërantapi. Piquëran nininso Irisiori quëpararin. Iniasëri paaparahuaton, aipi aꞌmorinsoquë imopitërin. Inapotahuaton huëshiarin.

1 Reyes 19:19 ပူးပေါင်းရင်းမြစ်များ

1 Reyes 19:13

Ina natanaton, aipi aꞌmorinso quëran nipaꞌcopirayatërin. Inaporahuaton pipiintarin. Naporoꞌ Siniorori nontaton itapon: “¿Maꞌta isëquë nisaran Iniasë?” itërin.

1 Reyes 19:16

Yaꞌhuërëꞌ israiroꞌsa copirnonën nicacaso marëntaꞌ, Nimisi shiin Quio itopisoꞌ, acoquëꞌ. Quëma yaꞌhuërënamën pënëntonaꞌpi nicacaso marëntaꞌ, Sahuati huiꞌnin Irisio itopisoꞌ, acoquëꞌ. Inasoꞌ, Apiri-miora ninanoaꞌhuaquë yaꞌhuërin.

2 Reyes 2:8

Naporoꞌ Iniasësoꞌ, aipi aꞌmorinso soꞌnanahuaton huihuiirin. Inapotohuachina, iiso nipatomairin. Napohuachina, cato chachin inataquëchin pëntonpi.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

Amós 7:14

Napotohuachincora: —Co caso pënëtonaꞌpicohuëꞌ. Naporahuaton co canaꞌhuaso marëꞌ pënëntërahuëꞌ. Caso ohuicaroꞌsa aꞌpaiato sacatërahuë. Naporahuato iquira nara nitërinsoꞌ, yontonato paꞌanahuë.

Amós 7:15

Ohuicaroꞌsa aꞌpairápirahuëꞌ: “Carinquën nanan quëtaranquën niꞌton, piyapinëhuëpita pënënacaso marëꞌ paquëꞌ,” itërinco Sinioro.

Hebreos 11:37

Aꞌnaquëontaꞌ naꞌpiquë tëꞌyaratonaꞌ, tëpapi. Aꞌnaquëontaꞌ sërichoquë yatonatonaꞌ, tëpapi. “Yosë aꞌpocoꞌ, tëpachinënquëmaꞌ,” itopirinahuëꞌ, co yaaꞌpopihuëꞌ. Aꞌnaquëontaꞌ sahuëni quëran tëpapi. Aꞌnaquën co tëpapirinahuëꞌ, imapiso marëꞌ chiníquën aparisitopi. Yatëpahuachinara, taꞌapi. Co huachi yaꞌhuëmia yaꞌhuëpihuëꞌ. Capa aꞌmocaisoꞌ niꞌton, ohuica shaꞌhuëtëꞌ, chipo shaꞌhuëtëꞌ inapita aꞌmopi. Co mantaꞌ yaꞌhuëtopihuëꞌ. Chiníquën parisitopi.

Jueces 6:11

Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

1 Samuel 11:5

Naporoꞌ Saononta imin quëran huënantárin. Tororoꞌsa asacatërin quëran quënantárin. Piyapiꞌsa naꞌnërapisoꞌ natanaton, natantërin: —¿Maꞌta onpoatona naꞌnërantapisoꞌ? tënin. Napohuachina Capisë quëran huëcatona nanan quëpisoꞌ aꞌnari shaꞌhuitërin.

1 Samuel 28:14

Napohuachina Saonori itapon: —¿Onpopinta yaꞌnorin niꞌnan? itërin. —Máshoya yaꞌnorin niꞌnahuë. Aipi aꞌmorinso niimopitopinan yaꞌnorin, itërin sanapiri. Ina natanaton, Saonosoꞌ: “Samoiro mini,” tënin. Naporahuaton isonin. Isonin quëran noꞌpaquë huarëꞌ moshomarin. Noya nicaton napotërin.