1 Reyes 19:17 - Chayahuita (Shahui)

^17-18 Inapotohuatan, insosona Asairo quëran chaꞌëpachin, Quiori tëpapon. Quio quëran chaꞌëpachin, Irisiori tëpapon. Ina nipirinhuëꞌ, ca nohuanton canchisë huaranca israiroꞌsa imamiatarinaco. Inapitaso mamanshi Paaro itopisoꞌ, co moshapihuëꞌ,” itërin.

1 Reyes 19:17 ပူးပေါင်းရင်းမြစ်များ

2 Reyes 13:22

(-)

Isaías 11:4

Noya coisë pochin, sanpatopisopita maꞌsona onpotacasoꞌ shaꞌhuitapon. Popriyatopisopitanta paꞌpoyaton, catahuapon. Noꞌhuitërayaroꞌsasoꞌ, topinan noncharapirinhuëꞌ anaꞌintapon. Co noyahuëꞌ nipisopitantaꞌ, pihuitëꞌ aꞌparëso pochin ataꞌhuantapon.

Jeremías 1:10

“Ca nohuanto nanamëhuë noꞌtëquën shaꞌhuiaran. Nisha nisha piyapiꞌsaꞌ, nisha nisha copirnoroꞌsari huaꞌanëntopisoꞌ, inapita pënënacaso marëꞌ nanan quëtaranquën. Pënënpatan co natëtohuachinahuëꞌ, pacatoro huaꞌtahuatë ataꞌhuantërëso pochin, noꞌpapi pëi ohuatahuatë ninomotërëso pochin anaꞌintarahuë. Noya natëhuachinaso nipirinhuëꞌ, sharoꞌsa shacatë pochin nitato, noya noya nicacaisoꞌ catahuararahuë,” itërinco.

Oseas 6:5

Napoaton pënëntonaꞌpiroꞌsa quëran paꞌsa paꞌsatërëso pochin nitëranquëmaꞌ. Shaꞌhuitopiranquëmahuëꞌ co natëramacohuë niꞌton, tëpatë pochin nitëranquëmaꞌ. Oꞌcori huënshaꞌ, taꞌsochachin huira ahuëtërin. Inapochachin carimanta anaꞌintohuatënquëmaꞌ, co oshataponquëmahuëꞌ.

Amós 2:14

Chiníquën taꞌapiramahuëntaꞌ, co chaꞌësaramahuëꞌ. Chini chiníquën nininso tëranta co huachi napoarinhuëꞌ. Chini chiníquën cancantërinso tëranta co chaꞌësarinhuëꞌ.

Amós 5:19

Paꞌpiniꞌ taꞌananpiapomarahuëꞌ, tocaniꞌ yaꞌhuërëꞌ nacapiantarinso pochin cancantapomaꞌ. Aꞌnaquëonta pëinënquë yaꞌconahuaton, pairaquë pisanaso chachin yaꞌhuanarinso pochin cancantapomaꞌ.

Apocalipsis 19:21

Inapita imapisopitantaꞌ ataꞌhuantarin. Inaora nanamën quëran yaꞌipiya ataꞌhuantarin. Chiminpachinaꞌ, chanaroꞌ caꞌtëroꞌsari huëcatonaꞌ, natëaquë huarëꞌ noshinënaꞌ caꞌsapi.