1 Reyes 19:13 - Chayahuita (Shahui)

¹³ Ina natanaton, aipi aꞌmorinso quëran nipaꞌcopirayatërin. Inaporahuaton pipiintarin. Naporoꞌ Siniorori nontaton itapon: “¿Maꞌta isëquë nisaran Iniasë?” itërin.

1 Reyes 19:13 ပူးပေါင်းရင်းမြစ်များ

Génesis 16:8

Quënanahuaton, natanin: —Quëmasoꞌ Acaranquën, nohuitëranquën. Sarai cosonanënquën. ¿Intoparanta huëcaton, intopata paꞌsaran? itërin. —Patronanëhuë Sarai itopisoꞌ taꞌananpiarahuë, tënin Acara.

1 Reyes 18:42

Napotohuachina paꞌsahuaton, coshatërin, oꞌorin, naporin. Iniasëso napoaponahuëꞌ, Carmiro motopi huiꞌnimotënꞌpaꞌ pantarin. Inaquë isonahuaton, toꞌtopitënënquë huarëꞌ yaꞌpirin paquëmarin.

1 Reyes 19:9

Cancontarahuaton, motopi naninquë huëꞌëcaso marëꞌ yaꞌconin. Yaꞌconpirinhuëꞌ, Siniorori itapon: “¿Maꞌta isëquë nisaran Iniasë?” itërin.

2 Reyes 2:8

Naporoꞌ Iniasësoꞌ, aipi aꞌmorinso soꞌnanahuaton huihuiirin. Inapotohuachina, iiso nipatomairin. Napohuachina, cato chachin inataquëchin pëntonpi.

Éxodo 33:23

Nani naꞌhuëhuato, imirahuë chiꞌhuincatarahuë. Naporo pinëhuëíchin niꞌsaran. Yaꞌpirahuëso nipirinhuëꞌ, co niꞌcaso yaꞌhuërinhuëꞌ, itërin Yosëri Moisësë nontaton.

Isaías 6:2

Nisha anquëniroꞌsa pën pochin yaꞌnopisontaꞌ, Sinioro huënsërinso aipi yanpoápopi. Aꞌnaya aꞌnaya saota saota anpiantëhuanpi: Cato anpiantëna quëran, yaꞌpirina nipaꞌcopirayatopi. Cato quërantaꞌ, taparonëna parti quëran, nonëna paꞌcopitopi. Cato quëransoꞌ yanponpi.

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Hebreos 11:37

Aꞌnaquëontaꞌ naꞌpiquë tëꞌyaratonaꞌ, tëpapi. Aꞌnaquëontaꞌ sërichoquë yatonatonaꞌ, tëpapi. “Yosë aꞌpocoꞌ, tëpachinënquëmaꞌ,” itopirinahuëꞌ, co yaaꞌpopihuëꞌ. Aꞌnaquëontaꞌ sahuëni quëran tëpapi. Aꞌnaquën co tëpapirinahuëꞌ, imapiso marëꞌ chiníquën aparisitopi. Yatëpahuachinara, taꞌapi. Co huachi yaꞌhuëmia yaꞌhuëpihuëꞌ. Capa aꞌmocaisoꞌ niꞌton, ohuica shaꞌhuëtëꞌ, chipo shaꞌhuëtëꞌ inapita aꞌmopi. Co mantaꞌ yaꞌhuëtopihuëꞌ. Chiníquën parisitopi.