1 Reyes 19:12 - Chayahuita (Shahui)

¹² Ocoanta copitaꞌso chachin, pën yaꞌhuërëꞌ paantarin. Sinioroso napoaponahuëꞌ, co inaquë tëranta yaꞌhuërinhuëꞌ. Naporoꞌ Iniasësoꞌ, yaꞌcoontarin. Pën naꞌhuërin piquëran, yashin yashin natanchináchin, sanóshin huinpiso irinin.

1 Reyes 19:12 ပူးပေါင်းရင်းမြစ်များ

Génesis 15:17

Nani tashihuachina, aꞌnanaya orno conaiꞌ tomontárinso yaꞌnorin. Naporahuaton, panca yanatëtë pochin pën orótahuaton, maꞌsharoꞌsa nichatërinsopita huáncana, naꞌhuërin.

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

2 Reyes 2:11

Ninapotatona cato chachin paꞌsapi. Papona pochin ninontërapi. Naporoꞌ aꞌnanaya pën pochin toronan yaꞌnorin. Cahuarionënpitantaꞌ, inapochachin yaꞌnorin. Inari yaꞌcon yaꞌcontahuaton Iniasë chiꞌhuincarin. Inapoaton, inaso panca ihuanquë inápaquë quëpantarin.

Copo naporinso' 4:16

Niꞌpirahuëꞌ, piꞌpian quiró tënin niꞌnahuë. Napoaporahuëꞌ, co nirayarahuëꞌ. Topinan tanahuantápirinhuëꞌ, noninso huachi natanahuë:

Éxodo 3:2

Inaquë Sinioro anquëninëni yaꞌnotërin. Sarsa naraꞌhuaya huëyararinso huáncana quënanin. Moisësëri niꞌsápirinhuëꞌ, naraꞌhuaya huëyarinso co manta huiquitërinhuë niꞌton, paꞌpi paꞌyantërin.

Éxodo 34:6

Moisësë naꞌhuëtapon pochin chiníquën nonsarin: —¡Caso Sinioroco! ¡Caso Sinioroco! Caso Yosëco noyápiachin cancantërahuë. Aꞌnaroáchin yanosorotërahuë. Co aꞌnaroáchin noꞌhuitërahuëꞌ. Piyapinëhuëpita nosoromiatërahuë. Noꞌtëquënáchin nonahuë.

Hechos 2:2

Aꞌnanaya chiníquën irininsoꞌ natanpi. Panca ihuan pochin tënëntërimarin. Inápa quëran oꞌmarin. Yaꞌipi pëianaquë tënëanahuanin.

Deuteronomio 4:15

Moisësësoꞌ, israiroꞌsa nontaton itaantapon: “Sinai motopiquë Siniorosoꞌ, pën huáncana quëran nontërinpoaꞌ. Noninsoꞌ mini natanapomarahuëꞌ, naporo co manta quënanamahuëꞌ. Niꞌcona nitapicancanatoma mamanshi nipatamaꞌ. Quëmapi, sanapi, maꞌsharoꞌsaꞌ, anpiantëhuanoꞌsaꞌ, samiroꞌsaꞌ, inapita pochin yaꞌnorinso nitamaꞌ.