1 Reyes 19:1 - Chayahuita (Shahui)

¹ Acaposo yaꞌhuërinꞌpaꞌ canconahuaton, yaꞌipi Iniasë naporinso Quisapira shaꞌhuitërin. Paaro marëꞌ pënëntopisopitanta atëpatërinsoꞌ, shaꞌhuitërin.

1 Reyes 19:1 ပူးပေါင်းရင်းမြစ်များ

1 Reyes 16:31

Quiropoamo iráca co noyahuëꞌ ninin. Acaposo nipirinhuëꞌ, naꞌcon naꞌcon co noyahuëꞌ ninin. Canaan sanapi Quisapira itopisoꞌ macaton, naporin. Quisapirasoꞌ paꞌpin, Iti-paaro itopi. Inaso Sitonquë copirno yaꞌconinsoꞌ. Inapitasoꞌ Paaro mamanshi moshapi niꞌton, Acaponta ina moshapatërin.

1 Reyes 18:40

Naporoꞌ Iniasëso camaitaton: —¡Paaro marëꞌ pënëntopisopita yaꞌipi macoꞌ! itërin. Napotohuachina israiroꞌsari yaꞌipi mapi. Nani mapachinara: “Quison iꞌshaquë quëparahuatëhuaꞌ, inaquë tëpaꞌahuaꞌ,” tënin. Napohuachina inaquë quëparahuatona tëpapi.

1 Reyes 21:25

(Co aꞌna tëranta Acapo copirno pochin yaꞌhuërinhuëꞌ. Inasoꞌ, yaꞌipiya quëran nápo naponin ninin. Saꞌini camairin niꞌton, co Sinioro nohuantërinsohuëꞌ, nisárin.

Jeremías 36:26

Naporahuaton, Parocoroꞌco chachin macainacoiso marëꞌ camaitërin. Quëmopinën Quiramiiro itopisoꞌ ina marëꞌ camairin. Asirisi huiꞌnin Siraiasë, Apitiiri huiꞌnin Sirimiasë, inapitanta ina chachin camairin. Napotohuachina, inapitaso yonisápirinacoihuëꞌ, co quënaninacoihuëꞌ. Sinioro poꞌorincoi niꞌton, co quënaninacoihuëꞌ.

Hebreos 11:34

Aꞌnaquën pën chiníquën nënë nënëtapaquë tëꞌyatopirinahuëꞌ, co piꞌpian tërantaꞌ huëyapihuëꞌ. Noya chaꞌëpi. Aꞌnaquëontaꞌ Yosë nohuanton, sahuëni quëran chaꞌëpi. Yatëpapirinahuëꞌ, co chiminpihuëꞌ. Aꞌnaquëontaꞌ co chinipirinahuëꞌ, Yosëri catahuarin chiníquën cancantacaiso marëꞌ. Naꞌa inimicoroꞌsaꞌ minsërahuatonaꞌ, aꞌpapi.