1 Reyes 18:7 - Chayahuita (Shahui)

⁷ Apitiasësoꞌ, iraquë Iniasë nacapiaton, paꞌyanin. Ina quëran mónsho tahuaton: —¿Quëma taꞌma sinioro, Iniasënquën nica? itërin.

1 Reyes 18:7 ပူးပေါင်းရင်းမြစ်များ

Génesis 18:12

Ina yonquiaton, co huachi huina cacotatonhuëꞌ, tëhuarin huachi. Tëhuapon pochin, yonquirin: “Inaporahuë naporini, noya cancanchitohuëꞌ. Napoaponahuëꞌ, catocoi chachin nani mashotërai niꞌton, co quiyaso inapoasocoihuëꞌ ayapoi,” tënin yonquinënquë.

Génesis 18:2

Apraanso niꞌpirinhuëꞌ, cara quëmapi ina notënanquë huaniapi quënanin. Quënanahuaton, aꞌnaroáchin paaparin nontacaso marëꞌ. Isonin quëran noꞌpaquë huarëꞌ monshorahuaton, itapon: —Sinioro, piꞌpian yanontëranquën. Ama naꞌhuëtocosohuëꞌ.

Génesis 44:16

Napotohuachina, Cotari itapon: —¡Tëhuënchachin co onpo aꞌpaniaꞌhuainso nanitëraihuëꞌ! ¡Co naporaihuëꞌ, co taꞌcahuaiso yaꞌhuërinhuëꞌ! Oshahuanaisoꞌ, nani Yosë nitotërin. Maꞌtana yaꞌhuarai. Minënën maninsorë chachin asacatocoi, itopi.

Génesis 44:20

Quiyarinta naporo shaꞌhuitëranquën: “Tatahuëi yaꞌhuëtërincoi, nani máshoya,” itërainquën. Aꞌna iyaꞌhuanta huiꞌnapi yaꞌhuëtërincoisoꞌ, shaꞌhuitërainquën. Inasoꞌ, tatahuëi nani máshoya nisoꞌ huaꞌhuatërin. Naporo chachin shaꞌhuitëranquën tatahuëri naꞌcon nosororinsoꞌ. Ina yoꞌnanquëranchin huaꞌhuatopisopita cato yaꞌhuëpirinahuëꞌ, aꞌnaso ayarin niꞌton, inaíchin quëparitërin. Napoaton nosoromiatërin.

Génesis 44:33

Napoaton nontaranquën natanco topirahuë. Ca iyaꞌhua yaꞌhuërënamën quëma piyapinën quëparichi tënahuë. Inaso iinpitarëꞌ, panantaꞌin.

Génesis 50:18

Naporo chachin iinpitantaꞌ, canquipi. Canquihuachinara, isonpi quëran noꞌpaquë huarëꞌ monshorahuatonaꞌ, moshaipi. Mosharahuatonaꞌ, itopi: —Maꞌtana iya, yaꞌhuarai. Huaꞌanëntatoncoi yacamaihuatancoi, inapotocoi, itopi.

2 Samuel 19:18

Pëntoinantaquëchin pëntonatonaꞌ, aquëtëran Tapi ninapi. Saꞌinpita, huiꞌninpita, inapitarë chachin huëꞌpachina catahuacaiso marëꞌ napopi. Canquihuachinara, copirnori noya niꞌcaso marëꞌ pëntoinanquë catahuamiatopi. Inaora chachin yapëntonahuasoꞌ, Simiiri noya nicaton, noꞌpaquë huarëꞌ monshorin quëran mosharin.

1 Reyes 11:29

Aꞌna tahuëri Quiropoamosoꞌ, Quirosarin quëran niꞌtapon paꞌnin. Naporoꞌ iraquë, aꞌnara pënëntonaꞌpi nasha capaquë niimotopinan nacapirin. Inasoꞌ, Aiasi itopi. Siro ninanoquë yaꞌhuërin. Inahuaráchin inaquë nisapi.

1 Reyes 18:6

Napoatona niquë niquë paꞌpi.

1 Reyes 18:8

—Ca mini. Paaton Acapo shaꞌhuitëquë yanontërahuë, itërin Iniasëri.

Isaías 60:14

Aparisitërinëmaso shinpita huëcapairahuatënëmaꞌ, nosorochináchin nontaponëmaꞌ. Yaꞌipi nocaninëmasopitantaꞌ, isonahuatona moshaponëmaꞌ. Quirosarintaꞌ, ‘Sinioro ninanonën,’ itaponaꞌ. Siniorosoꞌ noyasáchin ninin niꞌton, israiroꞌsari inaquë chinotopi.

Mateo 11:8

Co inaso maꞌhuanoꞌsaꞌ pochin noyápiachin aꞌmorinhuëꞌ. Noyápiachin aꞌmopisopitasoꞌ, copirnoroꞌsaꞌ pëinënaquë yaꞌhuëpi. Coanshaso nipirinhuëꞌ, co nani maꞌsha yaꞌhuëtërinhuëꞌ.

Mateo 3:4

Coanshasoꞌ co noyápiachin aꞌmorinhuëꞌ. Ponira pochin aꞌmorin, camiyo anporo quëran nipisoꞌ. Shaꞌhuëtë quëran nitonporin. Sëquërë pochin nininsoꞌ macaton, caꞌnin. Ninoiꞌ quënanpachina, irorin.

1 Samuel 20:41

Nani paꞌpachina, naꞌpiroꞌsa imopisoꞌ aquëtëran quëran Tapi pipirin. Pipirahuaton Conatan notënanquë isonahuaton, noꞌpaquë huarëꞌ monshomarin. Noya nicaton cararo napotërin. Ina quëran nisëꞌquërahuatonaꞌ, ninaꞌnëtopi. Tapisoꞌ naꞌcon naꞌcon naꞌnëton sëto inquiahuarëꞌ naꞌnërin.