1 Reyes 18:44 - Chayahuita (Shahui)

⁴⁴ Canchisëro paꞌninquë, piyapinënsoꞌ shaꞌhuiintarin: —¡Marë quëran imira napapi chitoro pipiarin quënanahuë! itintarin. Naporoꞌ huaꞌanëni camaiantarin: —Paaton Acapo shaꞌhuitonquë toronanën cahuarionënpitaquë aꞌtënchin. Inaporahuaton aꞌnaroáchin paꞌin. Coꞌhuara chiníquën oꞌnani yaꞌshopiara, itërin.

1 Reyes 18:44 ပူးပေါင်းရင်းမြစ်များ

1 Reyes 18:43

Ina quëran piyapinën itapon: —Paaton marë parti notëtëquëꞌ, itërin. Napotohuachina, inaso paꞌsahuaton notëontarin. Huënantarahuaton: —Capa, co manta yaꞌnorinhuëꞌ, itërin. Napotopirinhuëꞌ, Iniasëri naquëranchin camaiantarin: —Canchisëro paꞌsahuaton notëontaquëꞌ, itërin.

Miqueas 1:13

Naquisi ninanoquë yaꞌhuëramasopita, canpita aꞌchinama quëran israiroꞌsa nisha cancantopi. Quirosarinquë yaꞌhuëpisopitantaꞌ, anishacancantëramaꞌ. Ina marëꞌ canpitantaꞌ, inimico taꞌananpiamaso marëꞌ toronanoꞌsa cahuarioroꞌsaquë aꞌsontocoꞌ.

Lucas 12:54

Ina quëran yaꞌipi piyapiꞌsaꞌ aꞌchintantaton, itapon: “Noꞌtëquën, iyaroꞌsaꞌ, yonquicoꞌ. Piꞌi yaꞌconinso parti tashirotohuachina: ‘Oꞌnanapon,’ tënamaꞌ. Ina quëran oꞌnanin.

1 Samuel 6:10

Napotohuachinara, huiristinoꞌsasoꞌ ina inachachin nipi. Cato ohuaca huaꞌhuanshiron mapi. Huaꞌhuinpitasoꞌ, tënpaanaquë oncorapipi. Napotahuatonaꞌ, aꞌshinasoꞌ toronan ohuaracaiso marëꞌ aꞌsonpi.

1 Samuel 6:7

Aꞌnara toronan nicoꞌ. Ina quëran cato ohuacaꞌ huaꞌhuanshiron co noꞌpaꞌ ohuërëyátërarinsopitahuëꞌ, macoꞌ. Pomonënaquë nara oyoantahuatomaꞌ, toronanquë aꞌsonco quëpacaiso marëꞌ. Ama napoaponahuëꞌ, huaꞌhuinpitariso aꞌshina imainasohuëꞌ. Tënpaanaquëranchin quëparichinaꞌ.