1 Reyes 18:42 - Chayahuita (Shahui)

⁴² Napotohuachina paꞌsahuaton, coshatërin, oꞌorin, naporin. Iniasëso napoaponahuëꞌ, Carmiro motopi huiꞌnimotënꞌpaꞌ pantarin. Inaquë isonahuaton, toꞌtopitënënquë huarëꞌ yaꞌpirin paquëmarin.

1 Reyes 18:42 ပူးပေါင်းရင်းမြစ်များ

Génesis 24:52

Napopiso natanahuaton, Apraan piyapinënso isonin. Isonahuaton, noꞌpaquë huarëꞌ monshomarin: “Yosparinquën Sinioro,” itërin.

2 Samuel 12:16

Naporoꞌ Tapi ina marëꞌ Yosë nontërin. Ina marëꞌ nontaton co coshatërinhuëꞌ. Tashinta nipachina, co huachi huëꞌërinquë huëꞌërinhuëꞌ. Noꞌpaquë quëhuënaton tahuërianpitárin.

1 Reyes 18:41

Ina quëran Iniasëri Acapo itapon: —Paaton coshatëquëꞌ, oꞌoquëꞌ, coꞌhuara oꞌnan huëꞌshatërasohuëꞌ, inapoquëꞌ. Nani oꞌnan yaꞌcaritarin, itërin.

1 Reyes 18:43

Ina quëran piyapinën itapon: —Paaton marë parti notëtëquëꞌ, itërin. Napotohuachina, inaso paꞌsahuaton notëontarin. Huënantarahuaton: —Capa, co manta yaꞌnorinhuëꞌ, itërin. Napotopirinhuëꞌ, Iniasëri naquëranchin camaiantarin: —Canchisëro paꞌsahuaton notëontaquëꞌ, itërin.

1 Reyes 19:13

Ina natanaton, aipi aꞌmorinso quëran nipaꞌcopirayatërin. Inaporahuaton pipiintarin. Naporoꞌ Siniorori nontaton itapon: “¿Maꞌta isëquë nisaran Iniasë?” itërin.

Salmos 89:7

Quëmasoꞌ chini chiníquën nanantëran. Paꞌpi tëꞌhuatoro yaꞌnoran. Anquëninënpita tancapitërinën.

Isaías 6:2

Nisha anquëniroꞌsa pën pochin yaꞌnopisontaꞌ, Sinioro huënsërinso aipi yanpoápopi. Aꞌnaya aꞌnaya saota saota anpiantëhuanpi: Cato anpiantëna quëran, yaꞌpirina nipaꞌcopirayatopi. Cato quërantaꞌ, taparonëna parti quëran, nonëna paꞌcopitopi. Cato quëransoꞌ yanponpi.

Daniel 9:3

Naporo tahuëriꞌsa naꞌcon Yosë nontërahuë. Saꞌcatën aꞌmosahuato, huariano aipi huënsërahuë. Inapoato ayono ninahuë.

Daniel 9:7

Quëmasoꞌ noya coisë pochin nicaton, noꞌtëquën anaꞌintërancoi. Ina marëꞌ quiyasoꞌ yaꞌipi cotioroꞌsacoi tapanai. Quirosarinquë yaꞌhuëpisopita, aꞌnapita israiroꞌsa yaꞌcaria yaꞌhuëpisoꞌ, áquë yaꞌhuëpisoꞌ, quëma nisha nisha noꞌparoꞌsaquë tëꞌyatërancoi. Yaꞌipicoi oshahuanai niꞌton, inapotërancoi.

Mateo 14:23

Nani nontohuachina, panënquë inaora paꞌnin Yosë nontacaso marëꞌ. Inaquë Yosë nontasoꞌ, tashitërin.

Marcos 14:35

Amashamiachin paꞌsahuaton, isonconahuaton, noꞌpaquë huarëꞌ monshomarin. Inaquë Yosë nontarin. “Quëma nohuantohuatan Tata, nichaꞌëco ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantaporahuëꞌ, quëma nohuantohuatan, maꞌsona yaonpotohuatancontaꞌ noya, tënahuë. Noꞌtëquën yanatëranquën,” itërin.

Lucas 6:12

Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Hechos 10:9

Tahuëririnquë yacamotëriahuasoꞌ, ninanoquë yaꞌcaritopi huachi. Naporoꞌ Pitro inapa paꞌcotëquë paꞌnin Yosë nontacaso marëꞌ.

1 Samuel 12:18

Ina tosahuaton Samoirosoꞌ Sinioro nontërin: Nontohuachina, naporo chachin ina nohuanton huira, oꞌnan, inapita anotërin. Naporoꞌ israiroꞌsasoꞌ, Sinioro paꞌpi tëꞌhuatopi. Samoironta tëꞌhuatopi.