1 Reyes 18:38 - Chayahuita (Shahui)

³⁸ Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

1 Reyes 18:38 ပူးပေါင်းရင်းမြစ်များ

Génesis 15:17

Nani tashihuachina, aꞌnanaya orno conaiꞌ tomontárinso yaꞌnorin. Naporahuaton, panca yanatëtë pochin pën orótahuaton, maꞌsharoꞌsa nichatërinsopita huáncana, naꞌhuërin.

1 Reyes 18:24

Nani acohuachina Paaro nonchinaꞌ. Tëhuënchachin Yosë nipachin ahuiquitacaso marëꞌ pën aꞌpatimain. Canta inapotahuato, Sinioro nontarahuë. ¡Insosona aꞌpanitaton pën aꞌpaimahuachin, ina tëhuënchachin Yosësoꞌ! itërin. Napotohuachina yaꞌipi israiroꞌsari: —¡Noꞌtëquën! Ina pochin niin, topi.

1 Reyes 18:35

Inapotopi niꞌton, iꞌshasoꞌ artaro noyá sëꞌcotërin. Casharinsontaꞌ, noyá mëntaitërin.

1 Reyes 18:37

Aꞌpanico Sinioro. Quëmasáchin Yosënquën nicaton, piyapinënpita noya chinotaantaꞌinënquëso nohuantëran. ¡Ina nitotacaiso marëꞌ aꞌpanico!” itërin.

Copo naporinso' 1:16

Inari shaꞌhuitasoꞌ, aꞌna yaꞌhuërëꞌ piyapinën taꞌainantararin. Canquirahuaton itapon: —¡Oꞌcori pochin inápa quëran pën anotiimarin! Inapoaton yaꞌipi ohuicanënpita tiquitërinquën. Aꞌpainaꞌpiroꞌsantaꞌ, tiquirin. ¡Casáchin chaꞌërahuato shaꞌhuitaꞌhuanquënso marëꞌ, taꞌaintarahuë! itiintarin.

Isaías 31:9

Copirnonënantaꞌ, paꞌyanënquë taꞌapon. Huaꞌanoꞌsantaꞌ, pantiranëna taꞌananpiponaꞌ. Nani Quirosarinquë panca pën acorahuë. Inimiconëma anaꞌintaꞌhuaso marëꞌ naporahuë,” tënin.

Levítico 10:1

Aaron huiꞌninpita Natapo, Apio, inapitaso Yosë yachinotatona aꞌpëtinanëna mapi. Pënsha acorahuatonaꞌ, atomontacaiso marëꞌ yonarin pochin nininsoꞌ acotopi. Co Yosëri ina pochin camaipirinhuë napopi.

Levítico 10:2

Napohuachina, inapita ahuiquitacaso marëꞌ Siniorori chachin pën aꞌpatimarin. Napoaton cato chachin chiminpi.

Apocalipsis 13:13

Maꞌsha noꞌpa quëran pipirinsontaꞌ nani maꞌsha nanitaparin piyapiꞌsaꞌ nonpintacaso marëꞌ. Ina nohuanton, pën inápa quëran anotarin. Piyapiꞌsaꞌ niꞌtërantapaquë napoarin.

Jueces 6:21

Ina quëran anquënisoꞌ, pitananën quëran nosha, pan, inapita Quitionori acorinsoꞌ, caririn. Cariaso chachin natëtë quëran pën pipirin. Pan, nosha, inapita noyá ahuiquitërin. Ina quëran chachin Sinioro anquëninënsoꞌ, ayarin.