1 Reyes 18:37 - Chayahuita (Shahui)

³⁷ Aꞌpanico Sinioro. Quëmasáchin Yosënquën nicaton, piyapinënpita noya chinotaantaꞌinënquëso nohuantëran. ¡Ina nitotacaiso marëꞌ aꞌpanico!” itërin.

1 Reyes 18:37 ပူးပေါင်းရင်းမြစ်များ

Génesis 32:24

Cacoposoꞌ inaora quëparitohuachina, aꞌnara quëmapi yaꞌnorin. Inarë tahuërianpitaquë huarëꞌ nohuantasoꞌ nipanipi.

Génesis 32:26

Quëmapi yaꞌnorinsosoꞌ, Cacopo itapon: —Aꞌpoco huachi, nani tahuëririarin, itërin. —Coꞌsoꞌ noya yaꞌhuëcaꞌhuaso marëꞌ shaꞌhuitohuatancohuëꞌ, co aꞌpoaranquënhuëꞌ, itërin inarintaꞌ.

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

2 Samuel 7:26

Quëmasoꞌ Sinioro yaꞌipi piyapiꞌsa noya nicatënën paꞌyachinën. Nontohuachinën napoꞌinaꞌ: ‘¡Quëmaso Sinioro yaꞌipi nanitaparan! ¡Israiroꞌsa Yosënënquën. Inapita noya aꞌpaiton catahuaran! Tapisoꞌ quëma piyapinën ninin. Ina quëran pipipisopitanta copirno yaꞌconpachinaꞌ, noya huaꞌanëntomiachinaꞌ. Quëmari chachin inapita aꞌpaiquëꞌ,’ ichinën.

1 Reyes 18:24

Nani acohuachina Paaro nonchinaꞌ. Tëhuënchachin Yosë nipachin ahuiquitacaso marëꞌ pën aꞌpatimain. Canta inapotahuato, Sinioro nontarahuë. ¡Insosona aꞌpanitaton pën aꞌpaimahuachin, ina tëhuënchachin Yosësoꞌ! itërin. Napotohuachina yaꞌipi israiroꞌsari: —¡Noꞌtëquën! Ina pochin niin, topi.

1 Reyes 18:29

Napochináchin panca tëhuërënin huachi. Sinioro marëꞌ maꞌsha ahuiquitacaiso ora naꞌhuëpirinhuëꞌ, co macari aꞌpanirinhuëꞌ.

1 Reyes 18:36

Ahuiquitacaso ora nanihuachina, artaro yaꞌcarirahuaton chiníquën Yosë nontërin: “¡Sinioro, quëmasoꞌ Apraan, Isaco, Cacopo, inapita chinotërinën! Ipora nontëranquënsoꞌ aꞌpanitonco, quëmasáchin Yosënquën ninansoꞌ anitotocoi. Canta piyapinënco niꞌto, camaitëranso chachin nisarahuë. Inanta nitochinaꞌ.

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

2 Reyes 19:19

Quëmaso Sinioro, Yosënëhuënquën. Asiriaroꞌsa chiníquën nanantopirinahuëꞌ, inapita quëran nichaꞌëcoi. Inapotohuatancoi yaꞌipi nacionoꞌsa isoroꞌpaquë yaꞌhuërinsoꞌ, quëmaíchin Sinioronquën ninansoꞌ nitotapi huachi,” itërin.

Lucas 11:8

Nipayarinsoꞌ niponahuëꞌ, co nohuantopiriontaꞌ, naquëranchin naquëranchin nitantahuachina, huënsëintarahuaton, quëtapon.

1 Samuel 17:46

Iporasoꞌ ina chachin minsëaꞌhuanquënsoꞌ catahuararinco. Ipora tahuëri chachin tëparahuatënquën nishitëconotaranquën. Aꞌnapita huiristino sontaroꞌsanta chiminpisoꞌ, soporoꞌsaꞌ, niꞌniroꞌsaꞌ, inapita aꞌcaarahuë. Inapotohuato, yaꞌipi isoroꞌpaquë yaꞌhuëpisopita nitotapi: “Israiroꞌsasoꞌ, Yosë chachin chinotopi. Inasoꞌ, chini chiníquën nanantërin,” tosapi.