1 Reyes 18:35 - Chayahuita (Shahui)

³⁵ Inapotopi niꞌton, iꞌshasoꞌ artaro noyá sëꞌcotërin. Casharinsontaꞌ, noyá mëntaitërin.

1 Reyes 18:35 ပူးပေါင်းရင်းမြစ်များ

1 Reyes 18:32

Ina naꞌpiroꞌsa quëran Sinioro artaronën niantarin. Ina tahuirinquëntaꞌ, panca casharin. Cato shonca quiro trico yaꞌconinsoꞌ, casharin.

1 Reyes 18:34

Inaquë acorahuaton israiroꞌsa camairin: —Catapini orinaꞌhua iꞌsha quëcatomaꞌ, toroaꞌhua yaquirahuëso opotocoꞌ, itërin. Napotohuachina ina inachachin nipi. Naquëranchin inapotaantacaiso camaitaantahuachina, inapotaantapi. Cararo inapotopi.

1 Reyes 18:36

Ahuiquitacaso ora nanihuachina, artaro yaꞌcarirahuaton chiníquën Yosë nontërin: “¡Sinioro, quëmasoꞌ Apraan, Isaco, Cacopo, inapita chinotërinën! Ipora nontëranquënsoꞌ aꞌpanitonco, quëmasáchin Yosënquën ninansoꞌ anitotocoi. Canta piyapinënco niꞌto, camaitëranso chachin nisarahuë. Inanta nitochinaꞌ.

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.