1 Reyes 18:32 - Chayahuita (Shahui)

³² Ina naꞌpiroꞌsa quëran Sinioro artaronën niantarin. Ina tahuirinquëntaꞌ, panca casharin. Cato shonca quiro trico yaꞌconinsoꞌ, casharin.

1 Reyes 18:32 ပူးပေါင်းရင်းမြစ်များ

Génesis 12:7

Inaquë Siniorori, Apran yaꞌnotahuaton, itërin: “Yaꞌipi iso noꞌpaꞌ, shiparinpita quëtarahuë huaꞌanëntaponaꞌ,” itërin. Naporo chachin Apran Sinioro chinotacaso marëꞌ aꞌnara artaro ninin. Inaquë yaꞌnotërin niꞌton, chinotërin.

1 Reyes 18:33

Inaporahuaton artaro aipi ihuë acorin. Ina quëran toroaꞌhua tëparahuaton yaquirin. Inapotërinsopita ihuë aipi acorin.

1 Reyes 18:35

Inapotopi niꞌton, iꞌshasoꞌ artaro noyá sëꞌcotërin. Casharinsontaꞌ, noyá mëntaitërin.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

Colosenses 3:17

Maꞌsona tërantaꞌ yanipatamaꞌ, Sinioro Quisoso yonquiatomaꞌ, nicoꞌ. Ina yonquiatomaꞌ, noya noncoꞌ. Quisoso catahuarinquëmaꞌ niꞌton, “Yosparinquën,” Tata Yosë itocoꞌ.

Jueces 6:24

Napotohuachina Quitionosoꞌ aꞌnara artaro inaquë ninin. Sinioro chinotacaso marëꞌ ninin. Nani nisahuaton aninihuanin: “Sinioro asanocancaninpoaꞌ,” itërin. Ina artarosoꞌ, iso quirica ninshitasoco huarënta yaꞌhuërarin. Opra ninanoquë yaꞌhuërarin. Inaquësoꞌ, Apisiro huëntonaꞌhua israiroꞌsa yaꞌhuëpi.

Jueces 6:26

Iso motopiaꞌhua huiꞌnimotënꞌpaꞌ, aꞌnara artaro ca marëꞌ niquëꞌ. Caso Yosënënco niꞌto, inapoquëꞌ. Ina quëran toro manansoꞌ, tëpaquëꞌ. Inapotahuaton ina artaro aipi yaꞌipi ahuiquitëquëꞌ. Nara moshacaiso marëꞌ acopiso aꞌnëhuatan, pëꞌcha pëꞌchataran. Ina ihuë aipi acorahuaton yaꞌipi noyá ahuiquitëquëꞌ, itërin.

1 Samuel 7:17

Nani niꞌtohuachina, Namaquë chachin paantarin. Inaquë pëinën yaꞌhuëtërin. Inatohua quëran israiroꞌsa huaꞌanëntërin. Naporahuaton inaquë chachin aꞌnara artaro Sinioro marëꞌ ninin.

1 Samuel 7:9

Samoirosoꞌ, aꞌnara carniroaꞌhuaya manin. Ina masahuaton, Sinioro marëꞌ tëparin. Inapotahuaton, yaꞌipimiachin ina marëꞌ ahuiquitërin. Ina quëran israiroꞌsa marëꞌ Sinioro nontërin. Nontohuachina inari aꞌpanirin. Carniroaꞌhuaya ahuiquitasoꞌ, huiristinoꞌsa canquirapi. Israiroꞌsa ahuëcaiso marëꞌ pashica taꞌsoi chachin, Sinioro nohuanton panca huira ahuëtërin. Ina natanatona paꞌpi paꞌyanpi. Israiroꞌsasoꞌ, aꞌnaroáchin Mispa quëran pipirahuatonaꞌ, huiristinoꞌsa taꞌarapiso ahuëconpi. Ahuërahuatona notohuaroꞌ inimicoroꞌsa tiquiipi. Piti-caro ninano itopiquë huarëꞌ inapotopi. Inapochin israiroꞌsari huiristinoꞌsa canapi huachi.