1 Reyes 18:31 - Chayahuita (Shahui)

³¹ Ina marëꞌ shonca cato naꞌpiroꞌsa ohuatopisoꞌ manin. Cacopo huiꞌninpita yaꞌhuërinso napochachin manin. Ina Cacopo chachin iráca Siniorori aninihuanin: “Quëmasoꞌ Israiro itarinën,” itërin.

1 Reyes 18:31 ပူးပေါင်းရင်းမြစ်များ

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

Génesis 32:29

—Iporasoꞌ quëmantaꞌ nininën shaꞌhuitoco, itërin Cacopori. Napotopirinhuëꞌ, inariso itapon: —Co quëmasoꞌ nininëhuë natanancoso yaꞌhuërinhuëꞌ, itërin. Ina quëran inaquë chachin Cacopo noya yaꞌhuëcaso marëꞌ shaꞌhuitërin.

Génesis 33:20

Ina piquëran Cacoposoꞌ, Yosë chinotacaso marëꞌ aꞌnara artaro ninin. Ina nisahuaton aninihuanin: Ir Iroi Israiro, itërin.

Génesis 35:10

Iso pochin shaꞌhuitërin: “Quëmasoꞌ Cacopo itërinën. Co huachi ina pochin nohuitarinënquënhuëꞌ. Ipora quëran huarëꞌ Israiro itarinën,” itërin. Ina quëran nininën canpiatahuaton itaantapon: “Caso Yosëco, yaꞌipi nanitaparahuë. Notohuaroꞌ huiꞌnanpita yaꞌhuëchinquën. Shiparinpitantaꞌ, huaꞌhuayátërahuë yaꞌhuëꞌinaꞌ. Quëmá quëran, aꞌna nacion pipipon. Naporahuaton, shiparinpitanta naꞌa huëntonoꞌsa nicaponaꞌ. Aꞌnaquën shiparinpita, copirno yaꞌconaponaꞌ. Tata masho Apraan, tataparin Isaco, inapita iso noꞌpaꞌ ahuaꞌanëntërahuë. Ina chachin quëmanta quëchinquën. Shiparinpitanta iso noꞌpa chachin huaꞌanëntaponaꞌ,” itërin Yosëri.

Esdras 6:17

Naporo tahuëri Sinioro chinotacaiso marëꞌ pasa toroaꞌhua, cato pasa carniro, catapini pasa carniroaꞌhua, inapita tëpapi. Shonca cato chiponta yaꞌipi israiroꞌsa oshanëna marëꞌ noyá ahuiquitopi. Shonca cato huënton yaꞌhuëpi niꞌton, aꞌnara aꞌna huënton marëꞌ nanirin.

Éxodo 24:4

Ina quëran Yosë pënëntërinsoꞌ ama naniantacaiso marëhuëꞌ yaꞌipi ninshitërin. Tahuëririnquë aꞌcayan capayatahuaton, motopi nanimarinꞌpaꞌ, aꞌnara artaro ninin. Naporahuaton shonca cato naꞌpiroꞌsaꞌ, Yosë marëꞌ ahuanirin. Shonca cato huënton israiroꞌsanta yaꞌhuërin niꞌton, inanapo ahuanirin.

Jeremías 31:1

Ina quëran taantarin: “Ina tahuëri nanihuachin, casáchin yaꞌipi Israiro huëntonoꞌsa chinotarinaco. Inapitanta piyapinëhuëpita nisapi,” tënin.

Efesios 2:20

Yaꞌipi imarëhuasopita ina naponpoa chachin aꞌna pëi pochin ninëhuaꞌ, naꞌpi quëran nipisoꞌ. Naꞌpi quëran yapëihuatëra, acopoꞌ ihuatahuatëꞌ, simintoꞌton acorëꞌ. Inapochachin canpoantaꞌ Yosë pëinën pochin ninëhuaꞌ. Siminto acopiso pochin, caꞌtanoꞌsaꞌton nanamën aꞌchintërinënpoaꞌ. Ina quëran pënëntonaꞌpiroꞌsantaꞌ noꞌtëquën aꞌchinaꞌpiapi. Naꞌpi quëran yapëihuatëra, pëiꞌ taconorinquë naꞌpi noya noya nininsoꞌ acorëꞌ tantiacaso marëꞌ. Ina acohuatëra, aꞌnapita naꞌpiroꞌsaꞌ noꞌtëquën apanshinëꞌ. Naꞌpi noya noya nininso pochachin Quisocristosoꞌ achinirinpoaꞌ.

Josué 4:20

Inaquë Cosoi naꞌpiroꞌsa Cortaniiꞌ quëran ocoipisoꞌ, aꞌmitë aꞌmitëtërin. Shonca cato chachin napotërin.

Apocalipsis 21:12

Pairatopisoꞌ inápa masho ninin. Shonca catoꞌ yaꞌcoana yaꞌhuëtërin. Aꞌnaya aꞌnaya yaꞌcoanaquë aꞌna anquëniri niꞌsarin. Yaꞌipi quëran shonca catoꞌ yaꞌhuëpi. Nisha nisha yaꞌcoanaquë nininën nani ninshitopi. Aꞌnaya aꞌnaya israiroꞌsaꞌ huëntonën ninintërinsoꞌ. Shonca catoꞌ niꞌton, yaꞌipi yaꞌcoana nanitopi.