1 Reyes 18:24 - Chayahuita (Shahui)

²⁴ Nani acohuachina Paaro nonchinaꞌ. Tëhuënchachin Yosë nipachin ahuiquitacaso marëꞌ pën aꞌpatimain. Canta inapotahuato, Sinioro nontarahuë. ¡Insosona aꞌpanitaton pën aꞌpaimahuachin, ina tëhuënchachin Yosësoꞌ! itërin. Napotohuachina yaꞌipi israiroꞌsari: —¡Noꞌtëquën! Ina pochin niin, topi.

1 Reyes 18:24 ပူးပေါင်းရင်းမြစ်များ

Génesis 4:26

Sitonta huiꞌnahuanpachina, Inosë itërin. Naporo quëran huarëꞌ piyapiroꞌsa caniaritopi Yosë chinotatonaꞌ, “Sinioro” itacaisoꞌ.

1 Reyes 18:23

Inta nipachin, cato toroaꞌhua quëcoꞌ. Aꞌnara Paaro marëꞌ huayonahuatona tëpaꞌinaꞌ. Nani tëpahuachina artaronënquë ihuë aipi acoꞌinaꞌ. Napoaponahuëꞌ, ama aꞌpërapichinasohuëꞌ. Yaꞌhuërëꞌ cantaꞌ, aꞌnara tëparahuato Sinioro artaronën aipi acoarahuë. Napoaporahuëꞌ, co canta aꞌpërapitarahuëꞌ.

1 Reyes 18:25

Napohuachinara, Paaro marëꞌ pënëntopisopita Iniasëri itapon: —Canpitaso naꞌaquëma niꞌquëhuarëꞌ, canpitaꞌton toroaꞌhua huayonahuatoma inapotëricoꞌ. Nani tapahuatamaꞌ, ama aꞌpërapitapomarahuëꞌ, mamanshinëma nontoco ahuiquitacaso marëꞌ, itërin.

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

1 Reyes 18:39

Ina nicatona yaꞌipi niꞌtërantapisopita isonpi. Noꞌpaquë huarëꞌ monshorahuatonaꞌ: “¡Siniorocha Yosëso paya!” topi.

Jueces 6:21

Ina quëran anquënisoꞌ, pitananën quëran nosha, pan, inapita Quitionori acorinsoꞌ, caririn. Cariaso chachin natëtë quëran pën pipirin. Pan, nosha, inapita noyá ahuiquitërin. Ina quëran chachin Sinioro anquëninënsoꞌ, ayarin.