1 Reyes 18:2 - Chayahuita (Shahui)

² Napotohuachina paꞌnin. Samariaquë canquirahuaton niꞌpirinhuëꞌ, piyapiꞌsa tanarotatona paꞌpi chiníquën parisitapi.

1 Reyes 18:2 ပူးပေါင်းရင်းမြစ်များ

1 Reyes 18:1

Cara piꞌipi Israiro noꞌpaquë co manta oꞌnaninhuëꞌ. Ina piquëran Siniorori Iniasë nontaton itapon: “Paaton Acapo nontaantaquëꞌ. Ca nohuanton oꞌnanapon huachi,” itërin.

1 Reyes 18:3

Iniasë Samariaquë huëcasoꞌ, Acaponta piyapinën Apitiasë itërinsoꞌ nontacaso marëꞌ përarin. (Apitiasësoꞌ, yaꞌipi cancanën quëran huarëꞌ Sinioro chinotërin. Napoaton pënëntonaꞌpiroꞌsa nosoroaton catahuarin. Iꞌhua chachin Quisapirari sontaroꞌsa camairin inapita tëpacaisoꞌ. Napohuachina Apiasësoꞌ, pasa pënëntonaꞌpi masahuaton poꞌorin. Aꞌnatërápo shonca, aꞌnatërápo shonca acorahuaton, cato motopi naninoꞌsaquë poꞌorin. Inapotahuaton, aꞌcarárin.)

2 Reyes 6:25

Inapotopi niꞌton, co huachi cosharo macacaiso nanitopihuëꞌ. Napoaton inanaquësoꞌ, co manta capacaiso yaꞌhuërinhuëꞌ. Inapopi niꞌton, mora motoꞌ tëranta paꞌpi paꞌton. Posa shonca coriqui prata quëran nininsoꞌ paꞌtërin. Nëpë chiꞌchirinso tërantaꞌ, patoma quiro patomaíchin nipirinhuëꞌ, aꞌnatërápo coriqui prata quëran nininsoꞌ paꞌtërin.

Salmos 27:1

Sinioro, quëmasoꞌ aꞌpintatonco nichaꞌëranco. ¡Co insonta tëꞌhuataꞌhuaso yaꞌhuërinhuëꞌ! Sinioro, quëmasoꞌ paꞌpoyaranco niꞌton, noya yaꞌhuëarahuë. ¡Co inso tëranta tëꞌhuatarahuëꞌ!

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Jeremías 14:18

Ninano aipiran paꞌpatora, niahuëpiquë chimipiroꞌsa quëhuënantapi quënanahuë. Acoana yaꞌconpatorantaꞌ, piyapiꞌsa tanari tiquirarin niꞌnahuë. Pënëntonaꞌpiroꞌsaꞌ, corto huaꞌanoꞌsaꞌ, inapitanta intoasona quëparamarai,’ itëquëꞌ,” tënin.