1 Reyes 18:18 - Chayahuita (Shahui)

¹⁸ —Quëma tëhuëchinsoꞌ piyapinënpitarëꞌquën chachin Sinioro camaitërinso aꞌporan. Ina aꞌporahuatoma nisha nisha mamanshiroꞌsa Paaro nonanpisoꞌ mosharamaꞌ. Ina naꞌintërinquëma parisitaramaꞌ.

1 Reyes 18:18 ပူးပေါင်းရင်းမြစ်များ

1 Reyes 16:31

Quiropoamo iráca co noyahuëꞌ ninin. Acaposo nipirinhuëꞌ, naꞌcon naꞌcon co noyahuëꞌ ninin. Canaan sanapi Quisapira itopisoꞌ macaton, naporin. Quisapirasoꞌ paꞌpin, Iti-paaro itopi. Inaso Sitonquë copirno yaꞌconinsoꞌ. Inapitasoꞌ Paaro mamanshi moshapi niꞌton, Acaponta ina moshapatërin.

1 Reyes 16:32

Samariaquëntaꞌ, aꞌnara Paaro moshacaisoꞌ pëi artarorë chachin anitërin.

1 Reyes 21:25

(Co aꞌna tëranta Acapo copirno pochin yaꞌhuërinhuëꞌ. Inasoꞌ, yaꞌipiya quëran nápo naponin ninin. Saꞌini camairin niꞌton, co Sinioro nohuantërinsohuëꞌ, nisárin.

1 Reyes 21:26

Nisha nisha mamanshiroꞌsa mosharápaton, amororoꞌsa pochin niconin. Inapitasoꞌ Siniorori ocoirin. Israiroꞌsari yaꞌhuërëtacaiso marëꞌ napotërin.)

1 Reyes 9:9

Naporoꞌ aꞌnari itapon: ‘Siniorori nosoroaton shimashonënapita Iquipito quëran ocoirin. Ocoipirinhuëꞌ, inapitaso nisha nisha mamanshiroꞌsa moshacaiso marëꞌ ina aꞌpopi. Napoaton Yosërinta inapita aꞌporahuaton poꞌpin aparisitërin,’ itapon,” itërin.

Proverbios 13:21

(-)

Jeremías 2:13

Piyapinëhuëpitasoꞌ naꞌcon naꞌcon oshahuanpi. Caso inapita marëꞌ nanpirin iꞌsha huinan pochin nipirahuëꞌ, aꞌporinaco. Naporahuatona iꞌsha tapainanoꞌsa acopirinahuëꞌ, nopoatonpi niꞌton, co iꞌsha yaꞌhuëirinhuëꞌ. Ina pochin niconinsoꞌ imacaiso marëꞌ aꞌporinaco niꞌton, napopi.

Jeremías 2:19

Co noyahuëꞌ ninamasoꞌ naꞌintarinquëmaꞌ. Co casáchin cancantëramacohuë niꞌton, parisitamaso yaꞌhuërin. Napoaton: ‘Sinioroso Yosënënpoa niꞌton, noya nicatëhua natëcaso yaꞌhuërin. Napopirinhuëꞌ, co natërëhuahuëꞌ. Naporahuaton aꞌpomantarëhuaꞌ. Noꞌtëquën chachin iporasoꞌ, co huachi noya yaꞌhuërëhuahuëꞌ. Parisitatëhua co napion cancantárëhuaꞌ,’ toco yonquiatomaꞌ. Caso Sinioroco yaꞌipi nanitaparahuë. Carima shaꞌhuitaranquëmaꞌ.

Jeremías 23:13

Iráca Samariaquë pënëntonaꞌpiroꞌsa yaꞌhuëpisopita napopisoꞌ niꞌnahuë. Paꞌpi noꞌhuípiro niꞌnahuëso nipi. Paaro marëꞌ pënëntopi. Inapoatona piyapinëhuëpita israiroꞌsa itopisoꞌ achihuëpi.

Jeremías 38:4

Inapita huaꞌanoꞌsasoꞌ, copirno nontapona paꞌpi: —Irimiasësoꞌ, yaꞌipi sontaroꞌsa iso ninanoquë yaꞌhuëpiso pënënaton aꞌpayanin. Yaꞌhuëhuanoꞌsanta inapotërin. Inaso co yacatahuarinpoahuëꞌ. Canainënpoaso nohuantaton napoarin niꞌton, chiminacaso yaꞌhuërin, itoonpi.

Ezequiel 3:8

Co natëpirinënhuëꞌ, ca nohuanton quëmarinta inapita pochachin cancantaton pënënaran.

Hechos 24:13

Topinan quëran nonpinapirinaco. Naꞌcon shaꞌhuirapipirinacohuëꞌ, niꞌnincoso chachinso co yaꞌhuërinhuëꞌ.

Hechos 24:20

Iꞌhua cotio huaꞌanoꞌsaꞌ niyontonpachinara, amatërinaco. Isopita nataninaco. Maꞌsona onporahuësoꞌ shaꞌhuichinën.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

1 Samuel 14:29

Napotohuachina, Conatani itapon: —Tatahuë yaꞌipi israiroꞌsanpoa tëhuëtërinpoaꞌ. Niꞌquëꞌ, caso ninoiꞌ iroato chiníquën cancantërahuë.