1 Reyes 17:6 - Chayahuita (Shahui)

⁶ Inaquë itatanoꞌsari nani tashiramiachin nani iꞌhuaraya nosha, pan, inapita quëpatopi. Yamorohuachina iꞌsha oꞌorin.

1 Reyes 17:6 ပူးပေါင်းရင်းမြစ်များ

1 Reyes 17:5

Napotohuachina, inaso ina inachachin ninin. Cortaniiꞌ aquëtëran piꞌi pipirinso parti paꞌsahuaton, Quiriti iꞌshaquë yaꞌhuëconin.

1 Reyes 17:7

Napoápirinhuëꞌ, huaꞌqui quëran ina iꞌshasoꞌ, yanirin. Co oꞌnaninhuëꞌ niꞌton, naporin.

1 Reyes 19:6

Huënsërahuaton yonisarin. Niꞌpirinhuëꞌ, motoantërinso pirayan pan pënayaquë anpipisoꞌ, quënanin. Iꞌshanta yonshaquë ina pirayan huënsëarin. Ina quëran huanirahuaton coshatërin, oꞌorin, naporin. Nani coshatohuachina quëhuëantaton huëꞌantarin.

1 Reyes 19:8

Napotohuachina, caantarin, oꞌoantarin, naporin. Inaporahuaton, catapini shonca tahuëri tashirë chachin iratërin. Paꞌsápaton Oripi motopiꞌpaꞌ huarëꞌ canconin. Ina motopisoꞌ, Sinioro motopinën itopi antaꞌ.

Salmos 33:18

Sinioro chinotopisopitaso nipirinhuëꞌ, inari aꞌpaimiatarin. Noya nicatona natëpisopitasoꞌ, inapotarin.

Salmos 37:19

Parisitacaso tahuëri canquihuachin, co tapanaponahuëꞌ. Tanaro tahuëriꞌsanta nipirinhuëꞌ, natëaquë huarëꞌ coshataponaꞌ.

Salmos 37:3

Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Éxodo 16:35

Catapini shonca piꞌi pochin israiroꞌsaꞌ, mana caꞌpi. Cananoꞌsa yaꞌhuëpiquë notënanquë canconai huarëꞌ manasáchin caꞌpi.

Jeremías 37:21

Napotohuatora copirnosoꞌ, aꞌpaito sontaroꞌsa pëi iꞌiratënënquë acoinacosoꞌ camaitërin. Naporahuaton ina camaitërin quëran nani tahuëri pan quëshirinaco. “Pan camayoroꞌsa cachi” itopiquë nipisoꞌ quëshirinaco. Ninanoquë capamia capacaiso nicaquë huarëꞌ aꞌpaito sontaroꞌsa pëi iꞌiratënënquë yaꞌhuëárahuë.

Números 11:23

Siniororiso napoaponahuëꞌ itapon: —“Co inaso nanitaparanhuëꞌ,” ¿itëranco ti? Inta nipachin. ¿In taꞌma noꞌtëquën noinpaꞌ? itërin.

Mateo 19:26

Yaꞌipiya notëërahuaton, itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Lucas 22:35

Ina quëran yaꞌipi caꞌtanoꞌsanënpita itapon: —Iráca aꞌchinacamaso marëꞌ aꞌparanquëmaꞌ. Paꞌpatamara, coriqui, pëꞌpëto, sapatëꞌ, co inapita tërantaꞌ quëparamahuëꞌ. Topinan paꞌpatamara, ¿co mantaꞌ pahuantërinquëmahuëꞌ ti? itërin. —Co mantaꞌ pahuantërincoihuëꞌ. Noya paꞌnai, itopi.

Hebreos 6:18

Yosë chachin shaꞌhuitërinpoaꞌ. Naporahuaton “Casoꞌ Yosëco niꞌto, noꞌtëquën nontëranquëmaꞌ,” itomantarinpoaꞌ. Napoaton co onporontaꞌ nonpintarinpoahuëꞌ. Co piꞌpian tërantaꞌ nishataponhuëꞌ, tënëhuaꞌ. Ina yonquiatëhuaꞌ, chiníquën cancantahuaꞌ. Iráca Yosëíchin imarëhuaꞌ catahuainpoaso marëꞌ. “Nichaꞌësarinpoaꞌ,” taꞌtëhuaꞌ, yaꞌipi cancanënpoa quëran imahuaꞌ.

Jueces 14:14

Naporoꞌ Sansonso tapon: “Mapinton maꞌsha quëran, cosharo pipirin. Chiníquën masho quëran, cashi cashin nininso pipirin,” itërin. Napotopirinhuëꞌ, co yayonquipihuëꞌ. Nani cara tahuëri pita imapiso naꞌhuëponahuëꞌ, co nitochátërapihuëꞌ.