1 Reyes 17:23 - Chayahuita (Shahui)

^23-24 Naporoꞌ Iniasëri quëmapiaꞌhua maimirarahuaton, anohuaramarin. Inaquë aꞌshin quëtaton: —¡Niꞌquë imoya huaꞌhuan nanpirin! itërin. —Iporacha tëhuënchinsoꞌ Yosë piyapinën ninansoꞌ noya noya nitotërahuë huachi. Maꞌsona tëranta quëmasoꞌ topatan, Sinioro anitotërinquënso noꞌtëquën shaꞌhuiaran, itërin quëyoroni.

1 Reyes 17:23 ပူးပေါင်းရင်းမြစ်များ

Lucas 7:15

Napotohuachina, nanpiantarahuaton huënsërin. Ina quëran nonsarin. Quisosori aꞌshin itapon: “Yaꞌhuëranquë imoya quëpaantaquë,” itërin.

Juan 4:51

Yacanconahuasoꞌ, inpriatonënpitari nacapiatonaꞌ: —Huiꞌnan nani noyatërin, itiipi.

Hechos 9:41

Pitrori maimirarahuaton, ahuanirin. Ina quëran imapisopita, quëyoronoꞌsaꞌ inapita përarin. Huëꞌsahuatonaꞌ, nanpirin quënanquipi.

Hebreos 11:35

Sanapiꞌsantaꞌ huaꞌhuinpita chiminpachina, Yosë natëpi niꞌton, ina nohuanton nanpiantapi huachi. Aꞌnaquënso nipirinhuëꞌ Yosë natëtonaꞌ, chiníquën parisitopi. “Yosë aꞌpocoꞌ tëpachinënquëmaꞌ,” itopirinahuëꞌ, co yaaꞌpopihuëꞌ. “Co onporontaꞌ aꞌpoaraihuëꞌ. Yosë noya noya ananpitaantarincoi,” taꞌtonaꞌ, imapiso marëꞌ chiminpi.