1 Reyes 17:20 - Chayahuita (Shahui)

²⁰ Ina quëran chiníquën Yosë nontërin: “¡Sinioro quëmasoꞌ, Yosënëhuënquën! Iso quëyoronsoꞌ naꞌcon nosororinco. Pëinënquë chachin ichiyaꞌhuërinco. Quëmariso napoaponahuëꞌ, huaꞌhuin tëpataton, paꞌpi asëtaran,” itërin.

1 Reyes 17:20 ပူးပေါင်းရင်းမြစ်များ

Génesis 38:10

Onan naporinso Sinioroso nitotaton, chiníquën noꞌhuitërin. Napoaton inantaꞌ, ina nohuanton chimiantarin.

Génesis 38:7

Acoantopirinhuëꞌ, Iri co noyahuëꞌ nininsoꞌ co Sinioro costarinhuë niꞌton, ina nohuanton chiminin.

1 Reyes 17:19

Napotohuachina, inariso itapon: —Huaꞌhuan quëshico, itërin. Quëpatohuachina, matërin. Inapa pëꞌsatëquë huëꞌërinso patoana yaꞌhuërin niꞌton, inatohua quëpantarin. Quëpantarahuaton, huëꞌërinso pëꞌsaranënquë acoontarin.

1 Reyes 17:21

Napotahuaton chimipiaꞌhua cararo yaꞌquëtërin. Inapotapon pochin chiníquën Yosë nontaantarin: “¡Sinioro quëmasoꞌ, Yosënëhuënquën! ¡Quëma nohuanton iso huaꞌhuasha nanpiantaꞌin tënahuë!” itërin. Napotohuachina Siniorori aꞌpaniton, quëmapiaꞌhua ananpitaantarin.

2 Reyes 19:15

Ina quëran Yosë nontaton: “Quëmasoꞌ Sinioro, Yosënquën. Israiroꞌsacoi chinotërainquën. Quiropinoꞌsa aipi, huaꞌanëntëranso shiranën yaꞌhuërin. Quëmariáchin yaꞌipi nacionoꞌsa ninan. Isoroꞌpaꞌ, piꞌiroꞌtëꞌ, inapitanta quëma nohuanton yaꞌhuërin.

2 Reyes 19:4

Sinioroso Yosënën niꞌton, yaꞌipi nitotërin. Asiria copirnori huaꞌanoꞌsa aꞌparinsopita quëran pinorinsontaꞌ, natanin. Maꞌcha ina natanaton anaꞌintërin naporini, noya niitonhuëꞌ. Quëmanta Sinioro nontëquë yaꞌhuëarëhuasoꞌ, catahuainpoaꞌ, tënin Isiquiasë,’ itoncoꞌ,” itërin.

2 Reyes 4:33

Inaoraíchin nioncorapiton, Yosë nontarin.

Éxodo 17:4

Napotohuachinara, Moisësëso chiníquën Yosë nontërin. —¿Maꞌta Sinioro isopita onpochi? ¡Co huaꞌquiya quëranhuëꞌ naꞌpiquëtaponaco! itërin.

Mateo 17:21

Isanpi sopaiso nipirinhuëꞌ sacaiꞌ inquitacasoꞌ. Ayono nicatë chiníquën Yosë nontaquë huarëꞌ, inquitërëꞌ, itërin.]

Mateo 21:22

Yosë nontohuatamaꞌ, noya natëcoꞌ. “Tëhuënchachin Yosë catahuarinco,” topatamaꞌ, naꞌcon catahuarinquëmaꞌ. Maꞌsona tërantaꞌ nipatamaꞌ, acotarinquëmaꞌ, tënin.