1 Reyes 17:12 - Chayahuita (Shahui)

¹² Napotaantahuachina, inariso itapon: —Yoscoarëꞌ co anpipinan yaꞌhuëtërincohuëꞌ. Aꞌna sëꞌtamoíchin pochin orinanquë arina yaꞌhuëcharinco. Tomanta yonshaquë piꞌpisha yaꞌhuëtërinco. Inaíchin anpiato huaꞌhuahuë aꞌcaꞌhuaso marëꞌ ihuë masapirahuëꞌ: “Ina pëꞌyachinatoi tana tëpachinaꞌincoi,” taꞌto naporapirahuëꞌ, itërin.

1 Reyes 17:12 ပူးပေါင်းရင်းမြစ်များ

Génesis 21:15

Iꞌsha shaꞌhuëtë morsaquë yaꞌhuërinsoꞌ, taꞌquipi. Taꞌquihuachinara Acarasoꞌ, naraaꞌhuaya tashinantërianaquë huaꞌhuin acorahuaton, patërin.

Génesis 21:16

Aquëmiachin paꞌsahuaton, huënsëconin. Ama huaꞌhuin chimininso nicacaso marëhuëꞌ, inaquë huënsëconin. Huënsëhuachina, huiꞌnapiso naꞌnërin huachi.

2 Samuel 15:21

Napotohuachina, inariso itapon: —Sinioro yaꞌhuërin niꞌton, noꞌtëquën shaꞌhuitaranquën. Insëquësona quëma nipatan, inaquë canta nisarahuë. Nanpihuatan inaquë cantaꞌ, quëmarëꞌco nanpiarahuë. Chiminpatan inaquë cantaꞌ, quëmarëꞌco chiminarahuë, itërin.

1 Reyes 17:1

Carata parti, Tisipi ninanoquë aꞌnara pënëntonaꞌpi yaꞌhuërin. Inasoꞌ, Iniasë itopi. Aꞌna tahuëri inasoꞌ, Acapo paaparahuaton itapon: “Sinioro chinotërëhuaso yaꞌhuërin niꞌton, caso inasáchin natërahuë. Ina camairinco niꞌton, noꞌtëquën shaꞌhuitaranquën. Ipora quëran huarëꞌ co huachi oꞌnanaponhuëꞌ. Co poroncayo tëranta yaꞌhuëaponhuëꞌ. Ca shaꞌhuiantaꞌhuarëꞌ yaꞌhuëantapon. Co Sinioro natëtonhuëꞌ oshahuananso marëꞌ ina pochin anaꞌintarinquën,” itërin.

1 Reyes 17:11

Inasoꞌ, iꞌsha matapon paꞌsapirinhuëꞌ, naquëranchin përantarin. Huëantahuachina itapon: —Yosë marëꞌ paonta quëshico topirahuë, itaantarin.

1 Reyes 17:13

—Ama imoya paꞌyanquësohuëꞌ. Paaton naporanso chachin anpiontaquëꞌ. Napoaponahuëꞌ, caꞌton anpitahuatonco quëshico caꞌi. Ina piquëran canpitantaꞌ, capamaso marëꞌ anpiantaquëꞌ.

Jeremías 14:18

Ninano aipiran paꞌpatora, niahuëpiquë chimipiroꞌsa quëhuënantapi quënanahuë. Acoana yaꞌconpatorantaꞌ, piyapiꞌsa tanari tiquirarin niꞌnahuë. Pënëntonaꞌpiroꞌsaꞌ, corto huaꞌanoꞌsaꞌ, inapitanta intoasona quëparamarai,’ itëquëꞌ,” tënin.

Mateo 26:7

Misaquë coshatasoiꞌ, aꞌnaraꞌ sanapi huëꞌnin. Potiriaꞌhuaya huirinaꞌpi quëran nipisoꞌ quënin. Inaquë pimo huaꞌsaiꞌ naꞌcon paꞌtërinsoꞌ yaꞌhuërin. Quisoso nosoroaton, opomototërin.

1 Samuel 14:39

Siniorosoꞌ nichaꞌërinpoaꞌ. Ina niꞌsárinco niꞌton, noꞌtëquën shaꞌhuitaranquëmaꞌ. Huiꞌnahuë tëranta tëhuërin nipachin, chiminarin, itërin. Napotopirinhuëꞌ, co insoari tëranta aꞌpanirinhuëꞌ.

1 Samuel 14:45

Inaso napopirinhuëꞌ, yaꞌipi Israiro sontaroꞌsari huanirahuatona itaponaꞌ: —¡Co Conatan chiminacaso yaꞌhuërinhuëꞌ! ¡Ina caniaritërin niꞌton, inimiconënpoa minsërëhuaꞌ! ¡Co ina pochin nicacaso yaꞌhuërinhuëꞌ! ¡Sinioro nanpiárin nichinapon chachin co nohuantëraihuëꞌ Conatan maꞌsha onpocasoꞌ! Inari mini catahuarin niꞌton, naporinsoꞌ, itopi. Napotatonaꞌ, Conatan nichaꞌëpi.

1 Samuel 20:21

Nani aꞌpahuato piyapinëhuë camaiarahuë: “Paaton shinërëroꞌsa yoníquëꞌ,” itohuato paꞌsarin. Paasoꞌ: “Naroꞌparan nisapi. Maquimaquëꞌ,” itohuatosoꞌ, noya nanan yaꞌhuërin niꞌton, noya huëꞌsaran. Sinioronta nitotërin co manta onpoaranhuëꞌ.

1 Samuel 20:3

Napotopirinhuëꞌ, Tapiriso chiníquën shaꞌhuitaantarin: —Nipayarësoꞌ tata nani nitotërin: “Tapi tëpahuato, Conatan co noyahuëꞌ cancantarin. Napoaton ama shaꞌhuichisohuëꞌ,” tosarin. Napoaponahuëꞌ, Yoscoarëꞌ co huaꞌquiya quëranhuëꞌ caso tata tëpaponco, itërin.