1 Reyes 17:1 - Chayahuita (Shahui)

¹ Carata parti, Tisipi ninanoquë aꞌnara pënëntonaꞌpi yaꞌhuërin. Inasoꞌ, Iniasë itopi. Aꞌna tahuëri inasoꞌ, Acapo paaparahuaton itapon: “Sinioro chinotërëhuaso yaꞌhuërin niꞌton, caso inasáchin natërahuë. Ina camairinco niꞌton, noꞌtëquën shaꞌhuitaranquën. Ipora quëran huarëꞌ co huachi oꞌnanaponhuëꞌ. Co poroncayo tëranta yaꞌhuëaponhuëꞌ. Ca shaꞌhuiantaꞌhuarëꞌ yaꞌhuëantapon. Co Sinioro natëtonhuëꞌ oshahuananso marëꞌ ina pochin anaꞌintarinquën,” itërin.

1 Reyes 17:1 ပူးပေါင်းရင်းမြစ်များ

1 Reyes 17:12

Napotaantahuachina, inariso itapon: —Yoscoarëꞌ co anpipinan yaꞌhuëtërincohuëꞌ. Aꞌna sëꞌtamoíchin pochin orinanquë arina yaꞌhuëcharinco. Tomanta yonshaquë piꞌpisha yaꞌhuëtërinco. Inaíchin anpiato huaꞌhuahuë aꞌcaꞌhuaso marëꞌ ihuë masapirahuëꞌ: “Ina pëꞌyachinatoi tana tëpachinaꞌincoi,” taꞌto naporapirahuëꞌ, itërin.

1 Reyes 17:2

Ina quëran Siniorori Iniasë itapon:

1 Reyes 18:1

Cara piꞌipi Israiro noꞌpaquë co manta oꞌnaninhuëꞌ. Ina piquëran Siniorori Iniasë nontaton itapon: “Paaton Acapo nontaantaquëꞌ. Ca nohuanton oꞌnanapon huachi,” itërin.

1 Reyes 18:10

Iꞌhua chachin inasoꞌ, comisionoꞌsa nisha nisha parti aꞌparin yoniinënquënso marëꞌ. Nisha nisha nacionquë paꞌpirinahuëꞌ, co quënaninënhuëꞌ. Huënantatona shaꞌhuihuachinara: “¿Yoscoarëꞌ co quënanamahuëꞌ?” itërin copirnori. Napotohuachina, inapitasoꞌ: “Nonpinpatoisoꞌ, Yosë anaꞌinchincoi” topi.

1 Reyes 18:15

—Siniorosoꞌ yaꞌipi nanitaparin. Ina marëꞌ sacatato noꞌtëquën shaꞌhuitaranquën. Ipora tahuëri chachin Acaporoꞌco nonaꞌhuaso yaꞌhuërin, itërin Iniasëri.

1 Reyes 22:14

—Sinioro camairincosoráchin Yoscoarëꞌ caso shaꞌhuiarahuë, itërin Micaiasëri.

1 Reyes 8:35

Aꞌna tahuëri israiroꞌsa co natëtënënhuëꞌ, oshahuaantapi. Inapopiso marëꞌ quëma nohuanton co huachi oꞌnan yaꞌhuëarinhuëꞌ. Napohuachina: ‘Co noyahuëꞌ ninëhuaso marëꞌ Yosë anaꞌintarinpoaꞌ,’ taꞌtonaꞌ, chinotaantarinën. Oshanëna aꞌporahuatona pëinën parti notëtopi quëran nontaantarinën. Inapotohuachinën, yaꞌhuëran quëran natanahuaton, piyapinënpita oshanën inquitëquëꞌ. Nanan anoyatahuaton aꞌchintëquë onpopinsona imainënsoꞌ. Naporahuaton quëma nohuanton oꞌnantaꞌin. Ama taquiatonaraihuëꞌ, noꞌpaꞌ huaꞌanëntopiso niyaꞌhuërëtápaiso marëꞌ.

2 Reyes 4:38

(-)

2 Reyes 5:16

—Yoscoarëꞌ co manta maꞌparanquënhuëꞌ, itërin Irisiori. Namanori apisápirinhuëꞌ, co nohuanchátërarinhuëꞌ maꞌpacasoꞌ.

2 Reyes 5:20

Irisio piyapinënso yonquirin: “Huaꞌanëhuësoꞌ, Namano co manta maꞌpaponahuëꞌ aꞌparin. Yoscoarëꞌ cari imasarahuë. Tapona maꞌsha tëranta maꞌparahuë,” tënin.

Isaías 49:18

Quirosarinquë yaꞌhuëramasopita itohuaran itohuaran noya notëtocoꞌ. Nisha nisha parti israiroꞌsa quëpapisopita huëantarapi. Caso Sinioroco yaꞌhuëárahuë niꞌton, noꞌtëquën shaꞌhuitaranquëmaꞌ: Yaꞌipi israiroꞌsa huëꞌpachina, nitapaantaranso pochin acoarinën. Nanon yasoꞌyaton nitaparinso pochin nitarinën.

Isaías 5:6

Inapotahuato patarahuë. Co incari pacarapiponhuëꞌ. Co incari yaquisëꞌpaponhuëꞌ. Nahuanoꞌsaꞌ, pacatoroꞌ, inapitari imotapon. Chitoronta camaihuato, co inaquë oꞌnanaponhuëꞌ,” tënin nosororahuësoꞌ.

Jeremías 14:22

Inpioroꞌsasoꞌ, nisha nisha mamanshiroꞌsa moshapi. Co inapita nohuanton oꞌnaninhuëꞌ. ¡Co piꞌiroꞌtë tëranta nohuanton oꞌnaninhuëꞌ! Quëma Sinioro Yosënëhuëinquën niꞌton, oꞌnan aꞌpaimaran. Quëma nohuanton yaꞌipi inapita yaꞌhuërin. Napoaton quëmasáchin ninarainquën, itërahuë.

Jeremías 15:19

Naporoꞌ Siniorosoꞌ, aꞌpaniantarinco: “Cachachin tahuërëtaantahuatanco, huaꞌanëntaantaranquën. Ama maꞌton maꞌton nonquësohuëꞌ. Noya nininsoráchin nonquëꞌ. Inapohuatan, pënëntamaso marëꞌ carinquën nanan quëtaranquën. Chinitërinënquënsopita ama natëquësohuëꞌ. Quëma tëhuënchinsoꞌ, natëinënquënso yaꞌhuërin.

Mateo 11:14

Napopiso chachin Coansha pënëntarin huachi. Iniasë pochin cancantaton, pënëntarin, tënahuë. Nohuantohuatamaꞌ, natëcoꞌ.

Mateo 16:14

—Nisha nisha cancantiarinën: “Coansha Paotistacoꞌ nanpiantarinsoꞌ niꞌton, naporin,” topi aꞌnaquën. “Co inahuëꞌ. Iniasëcoꞌ nanpiantamara,” topi aꞌnaquëontaꞌ. “Pënëntonaꞌpi iráca chiminpirinhuëꞌ, nanpiantarinsoꞌ nimara, tomantatonaꞌ, Irimiasë nimara,” topi aꞌnapitantaꞌ, itopi.

Mateo 27:47

Aꞌnaquën huanipapisopita natanahuatonaꞌ: —Iniasë përasamara, topi.

Mateo 27:49

Aꞌnapitariso nipirinhuëꞌ itaponaꞌ: —Tananpitëquëꞌ niaꞌahuaꞌ. Iniasëri oꞌmaton nichaꞌëpon nimara, nitopi.

Mateo 7:29

Co huaꞌanhuëꞌ niponahuëꞌ, chiníquën nanantaton, aꞌchintërinpoaꞌ. Co cotio maistroꞌsasoꞌ ina pochin aꞌchinpihuëꞌ,” topi.

Lucas 1:17

Iráca Iniasë pënëntërinso pochin nóya pënëntarin. Ina pochin chiníquën nanantarin inantaꞌ. Sinioro yaoꞌmahuachin, pënëntapon. Pënëntohuachin, quëmapiꞌsaꞌ huiꞌninpitarëꞌ noya ninontantaponaꞌ. Iporasoꞌ aꞌnaquën co Yosë natëpirinahuëꞌ. Ina natanahuatonaꞌ, noꞌtëquën yonquiaponaꞌ. Inari aꞌchintohuachin, Sinioro nohuantapona huachi, itërin anquëniri.

Lucas 1:19

—Casoꞌ Capirico. Yosë yaꞌhuërin quëran oꞌmarahuë. Ina aꞌpaimarinco nontaꞌhuanquënso marëꞌ. Noya nanan shaꞌhuitopiranquënhuëꞌ.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Lucas 9:30

Aꞌnanaya Moisësë, Iniasë, inapita yaꞌnopi. Inahuantaꞌ huënaráchin huënaráchin nipi. Quisosorëꞌ ninontapi. “Quirosarinquë paꞌpato, tëpararinaco,” itërin Quisosori.

Lucas 9:33

Inapitasoꞌ yapanantahuachinara, Pitrori itapon: —¡Ma noyacha Maistro isëquë huëꞌnëhua paya! Cara imënamëaꞌhuaya nii, aꞌnaraꞌ quëma marëꞌ, aꞌnantaꞌ Moisësë marëꞌ, aꞌnantaꞌ Iniasë marëꞌ, topirahuëꞌ, itërin. Co yonquiatonhuëꞌ, napotërin.

Lucas 9:54

Ina marëꞌ Santiaco, Coansha, inapita noꞌhuitopi. —¿Maꞌtaꞌ Sinioro onpochii? Yosë nonchii inápa quëran pën aꞌpaimaton isopita ahuiquichin topiraihuëꞌ, itopi.

Juan 1:21

—Quëmasoꞌ Iniasënquën, iráca ayaponahuëꞌ, ¿yaꞌnoantamaranquën ti? itopi. —Co casoꞌ inacohuëꞌ, tënin. —¿Quëmasoꞌ pënëntonaꞌpi ninaraisoꞌ nimara ti? itaantapi. —Co inacohuëꞌ, tënin.

Juan 1:25

—Co quëmasoꞌ Cristonquënhuëꞌ. Co Iniasënquënhuëꞌ. Co pënëntonaꞌpi ninaraisonquënhuëꞌ niꞌquëhuarëꞌ, ¿onpoatontaꞌ nipachin, piyapiꞌsaꞌ aporintaran? ¿Intaꞌ nanan quëtërinquën aporintamasoꞌ? itërin.

Hechos 27:23

Casoꞌ Yosë natërahuë. Inasáchin imarahuë. Ina nohuanton, achin tashiꞌ anquëninën yaꞌnotimarinco.

Romanos 11:2

Inapitasoꞌ, iráca Yosëri huayonahuaton acorin piyapinënpita nicacaiso marëꞌ. Co aꞌporinhuëꞌ. Iráca Iniasë naporinsoꞌ Yosë quiricanënquë ninshitopisoꞌ nitotëramaꞌ. Inariso pënënpirinhuëꞌ, israiroꞌsari noꞌhuipi. Napoaton Yosë nontohuachina, inapita shaꞌhuirapirin.

Santiago 5:17

Niꞌcoꞌ. Iniasë canpoa pochachin niponahuëꞌ, chiníquën Yosë nontohuachina, natanin. “Naꞌa piyapiꞌsaꞌ Sinioro co imarinënquënhuëꞌ. Quëma nohuanton, ama oꞌnainsohuëꞌ,” itohuachina, cara piꞌipi naꞌcon co piꞌpisha tërantaꞌ oꞌnaninhuëꞌ.

Apocalipsis 11:6

Iráca pënëntonaꞌpiroꞌsaꞌ nani maꞌsha nipi piyapiꞌsaꞌ ayonquicaiso marëꞌ. Inapochachin catoyaꞌpi Yosëri aꞌparinsoꞌ, nani maꞌsha nanitapaapi. Yosë nontahuachinaꞌ, co oꞌnanaponhuëꞌ. Inapotatonaꞌ, pënëntáponaꞌ. Tëquëiontaꞌ nontahuachinaꞌ, huënaiꞌ taranapon. Ina quëran Yosë nohuanton, nisha nisha canioroꞌsaꞌ acorapi Yosë yonquicaiso marëꞌ.