1 Reyes 12:32 - Chayahuita (Shahui)

^32-33 Nasha pita naꞌhuëcaiso marëntaꞌ, inaora yonquinën quëran ocoirin. Ina pitasoꞌ, pascoa yoqui quëran canchisë yoqui nisahuaton shonca aꞌnatërápo tahuëritahuasoꞌ, naꞌhuëpi. Cota huënton israiroꞌsa Quirosarinquë niyontonatona pita naꞌhuëpiso pochin ninin. Quiropoamo chachintaꞌ, toroaꞌhua nonanpisoꞌ moshacaso marëꞌ Pitiriquë yápaꞌmarin. Inaquë maꞌsharoꞌsa tëparahuaton nonanpisoꞌ mosharin. Naporahuaton ina moshaton yonarin pochin nininsoꞌ aꞌpërin. Inaora nohuanton artaroroꞌsa acorinquë sacatacaiso marëntaꞌ, corto huaꞌanoꞌsa acoraꞌpiarin.

1 Reyes 12:32 ပူးပေါင်းရင်းမြစ်များ

1 Reyes 8:2

Imënamëaꞌhuaroꞌsa pita itopiquë niyontonapi. Inasoꞌ pita, pascoa yoqui quëran canchisë yoquitahuasoꞌ, naꞌhuëpi.

1 Reyes 8:5

Naporoꞌ Saromonsoꞌ, yaꞌipi niyontonpisopitarë chachin Yosë caposonën notënanquë maꞌsharoꞌsa ina marëꞌ tëpapi. Co pichinahuanhuëꞌ ohuicaroꞌsaꞌ, tororoꞌsaꞌ, inapita tëpapi.

Éxodo 32:5

Ina niꞌsahuaton Aaronsoꞌ, toroaꞌhuaya nonaninsoꞌ notënanquë artaro nitërin. Nani tënihuachina chiníquën nonsahuaton shaꞌhuirin: —¡Tashiraya Sinioro marëꞌ pita niahuaꞌ! itërin.