1 Reyes 12:25 - Chayahuita (Shahui)

²⁵ Quiropoamosoꞌ copirno yaꞌconahuaton, Siquimo ninano noyá acorin. Inaso ninanoꞌ, Iprain israiroꞌsa noꞌpanënquë yaꞌhuërin. Noyá acorapiton inaquë yaꞌhuërin huachi. Ina piquëran Pinoiro ninano itopisonta noyá acorapirin.

1 Reyes 12:25 ပူးပေါင်းရင်းမြစ်များ

Génesis 32:32

Napoaton iso quirica ninshitasoco huarënta Israiro shinpitasoꞌ, maꞌsharoꞌsa catantënquë pancarin ipatë yaꞌhuëtërinsoꞌ, co caꞌpihuëꞌ. Inaquë Cacopo ahuëpi niꞌton, co caꞌpihuëꞌ.

1 Reyes 12:1

Nopoamosoꞌ, Siquimoquë paꞌnin. Inaquë israiroꞌsa nani niyontonpi: “Nopoamo copirnonënpoa yaꞌconin huachi,” taꞌcaiso marëꞌ niyontonpi. Naporoꞌ Quiropoamosoꞌ, Iquipitoquëranchin nisarin. Saromon taꞌananpiton paꞌninquëranchin yaꞌhuëarin. Aꞌnaquëni Nopoamori israiroꞌsa huaꞌanëntërinsoꞌ, shaꞌhuitopi. Napohuachina, Iquipito quëran pipirahuaton yaꞌhuërinquë chachin huënantarin. Israiro ansianoꞌsari amatohuachinara, yaꞌipi huaꞌanoꞌsapitarë chachin Nopoamo nontacaiso marëꞌ paapapi. Quënanconahuatona itaponaꞌ:

1 Reyes 12:26

Oshaquëran yonquiaton tapon: “Israiroꞌsasoꞌ, Sinioro chinotacaiso marëꞌ maꞌsharoꞌsa Quirosarinquë tëpapi. Ina marëꞌ, paꞌsápachinaꞌ, maꞌshátërahuë Nopoamo noya niantaponaꞌ. Napohuachina tëparahuatonaco Nopoamo natëantaponaꞌ. Inapohuachina, Tapi quëran pipirinso chachin yaꞌipi israiroꞌsa huaꞌanëntaantapon,” tënin yonquiaton.

Jueces 8:17

Naporahuaton Pinoiro ninanoquë tori yaꞌhuërinsonta ohuatërin. Yaꞌhuëhuanoꞌsanta tëparin.

Jueces 8:8

Ina quëran Pinoiro ninanoquë paꞌpi. Inaquënta Socotoquë natantërinso chachin nataantarin. Natantopirinhuëꞌ, inahuanta Socotoroꞌsa aꞌpanitopiso pochachin aꞌpanitaantapi.

Jueces 9:1

Shaꞌhuitëranquëmaso chachin Apimiricosoꞌ, Quiropaaro huiꞌnin. Aꞌshinso Siquimo sanapi niꞌton, naꞌa quëmopinënpita inaquë yaꞌhuërin. Napoaton Apimiricosoꞌ, inaquë paꞌnin inapita nontapon: