1 Reyes 12:16 - Chayahuita (Shahui)

¹⁶ Copirnori napotërinsoꞌ Israiro huaꞌanoꞌsasoꞌ, natanpi. Ina natanatonaꞌ: “¡Coꞌchi natërinpoahuë paya!” topi. Napoatona copirno chiníquën nontopi: “Tapi quëran pipipisopita, co huachi huaꞌanëntiincoiso yaꞌhuërinhuëꞌ. Quisi chiminpachina maꞌshanënpita Tapiri manin. Co ina quëran canpoasoꞌ maꞌsha tëranta manëhuahuëꞌ. Ma topinanta shinpita natëráparihuaꞌ. Napoaton, ¡huëco patahua huachi! Sacataton inantaꞌ, huiꞌninpita nocomaꞌin,” itopi. Napotatonaꞌ, inapitaso yaꞌhuëpiꞌpaꞌ paꞌpi huachi.

1 Reyes 12:16 ပူးပေါင်းရင်းမြစ်များ

2 Samuel 15:13

Naporoꞌ aꞌnari paꞌsahuaton Tapi shaꞌhuitoonin: “Naꞌcon naꞌcon israiroꞌsa inimicotatënën Apësaron imasapi,” itërin.

2 Samuel 16:11

Napotahuaton Apisai, sontaro huaꞌanoꞌsaꞌ, inapita itapon: —Niꞌcoꞌ. Huiꞌnahuë chachin nipirinhuëꞌ, yatëparinco. Aquëtë huarëꞌ Mincamin huënton piyapisoꞌ tëpaincosonta yaꞌhuërin. ¡Tananpitoco noꞌhuiinco! Siniorori ina pochin camaimara.

1 Reyes 11:34

Napoaponahuëꞌ, yaꞌipi huaꞌanëntërinso co ipora osërëtarahuëꞌ. Paꞌpincoꞌ noya nicato, chiminaquë huarëꞌ huaꞌanëntacaso quëtarahuë. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin niꞌton, napotarahuë.

1 Reyes 11:35

Huiꞌnini yaꞌhuërëtohuachin, naporo huarëꞌ huaꞌanëntërinso osërëtarahuë. Ina osërëtahuato, quëma huachi shonca huënton nininsoꞌ huaꞌanëtacaso marëꞌ quëtaranquën.

1 Reyes 11:36

Huiꞌninsoꞌ aꞌna huëntoínchin huaꞌanëntapon huachi. Tapi quëran pipirinsoꞌ Quirosarinquë huaꞌanëntacaso marëꞌ napoarin. Inaquë chinotiinacoso marëꞌ huayonahuë niꞌton, napoarahuë.

1 Reyes 11:39

Tapi quëran pipipisopitasoꞌ, Saromon tëhuërinso marëꞌ anaꞌintarahuë. Napoaporahuëꞌ, co anaꞌintomiatapohuëꞌ,’ tënin Sinioro,” itërin.

1 Reyes 22:17

Naporoꞌ Micaiasë tapon: “Paꞌpatan maꞌsona onpocamasoꞌ nani ninorahuë. Ohuicaroꞌsa co huaꞌanëhuanhuë pochin Israiro sontaroꞌsa motopiroꞌsa yanquëëtopi. Napopi niꞌton, Sinioro shaꞌhuitërinco: ‘Inapitasoꞌ co huaꞌanëna yaꞌhuëtopihuëꞌ. Napoaton noya quëran yaꞌhuëpiꞌpaꞌ paantaꞌinaꞌ,’ tënin,” itërin.

1 Reyes 22:36

Piꞌi yayaꞌconahuasoꞌ, Israiro sontaro huaꞌanoꞌsa chiníquën nanan shaꞌhuipi: “¡Yaꞌipinquëma yaꞌhuëramaquë pacoꞌ!

Proverbios 15:1

Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

Isaías 7:17

Sinioro nohuanton quëmanta tahuëri cantiarinquën. Piyapinënpitanta cantiipon. Quëmá quëran pipipisopitanta cantiarin. Iráca shimashonëmapita israiroꞌsarë niaꞌpopiso pochachin paꞌpi parisitamasoꞌ cantiarinquëmaꞌ. Naporosoꞌ, Asiria copirno quëran napoaramaꞌ.

Isaías 7:2

Naporoꞌ Acasoꞌ copirno quëmopinënpitarë chachin shaꞌhuitacaiso marëꞌ paaparahuatonaꞌ: “Siriaroꞌsa israiroꞌsarë nicatahuatonaꞌ, huëcapaiarinënpoaꞌ,” itopi. Napohuachinara, piyapinënpitarë chachin paꞌyanpi. Paꞌyanatona nararoꞌsa ihuani paꞌtan paꞌtantërinso pochin ropatopi.

Ezequiel 37:16

“Aꞌnara nara masahuaton: ‘Iso Cota huëntonquën,’ taꞌcaso ninshitëquëꞌ. Aꞌna naraquënta ninshitaton: ‘Isosoꞌ, Israiro huëntonquën,’ itëquëꞌ.

Marcos 3:24

Niꞌcoꞌ. Ninanoquë yaꞌhuëpisopita ninoꞌhuipi naporini, yanquëꞌitonahuëꞌ. Co huachi inaquë yaꞌhuëꞌitonahuëꞌ.

Lucas 19:14

Piyapinënpitaso nipirinhuëꞌ co nohuantopihuëꞌ. Noꞌhuipi. Napoaton comisionënpita aꞌpapi copirno shaꞌhuitacaiso marëꞌ. ‘Ina quëmapi co nohuantëraihuëꞌ huaꞌanëntiincoisoꞌ. Ama acoquësohuëꞌ,’ itoonpi.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

Juan 13:8

—Co onporontaꞌ casoꞌ paꞌmorantëarancohuëꞌ, itërin Pitrori. —Co napotohuatënquënhuëꞌ, co ca pochin cancantaton imamiatarancohuëꞌ, itërin Quisosori.

Jueces 8:35

Quiropaarorinta naꞌcon catahuapirinhuëꞌ, quëmopinënpita co nosoropihuëꞌ.