1 Reyes 12:15 - Chayahuita (Shahui)

¹⁵ Inapoaton Nopoamosoꞌ, Israiro huaꞌanoꞌsari natanpisoꞌ, co natërinhuëꞌ. Siniorori Aiasi quëran Quiropoamo shaꞌhuitërinsoꞌ nanicaso marëꞌ, naporin.

1 Reyes 12:15 ပူးပေါင်းရင်းမြစ်များ

Génesis 24:50

Napotohuachina, Napano, Pitoiro, inapitari itopi: —Yaꞌipi naporansopita Sinioro nohuanton naporin tënai. Napoaton, soꞌyachin nipachin.

2 Samuel 17:14

Apësaron, Israiro ansianoꞌsaꞌ, inapitaso Osai naporinso natanpi. Ina natanatonaꞌ: “Osaicha, Aitohuiro quëran noya noya pënëninpoa paya,” topi. Aitohuirori noꞌtëquën pënënpirinhuëꞌ, Sinioro nohuanton co ina imapihuëꞌ. Tapiri, Apësaron canacaso marëꞌ naporin.

1 Reyes 12:24

“Naporin Sinioro: ‘Carima camaiaranquëma ama iyamapitarëꞌquëma niahuëcamaso marëhuëꞌ. Ca nohuanton piyapinëhuëpita cato nacion yaꞌhuëapon. Napoaton yaꞌhuëramaquë panantacoꞌ,’ tënin Sinioro,” itëquëꞌ, itërin. Cantonahuaton, inaso Siniorori camairinso shaꞌhuitërin. Ina natanatonaꞌ, inahuaso camaitërinso chachin nipi. Co huachi ahuëtacaiso marëꞌ paꞌpihuëꞌ.

1 Reyes 22:23

Naporin niꞌton, nonpintarinënsoꞌ nani nitotëran. Sinioro tëpainquënsoꞌ yonquirin. Napoaton sopairi pënëntonaꞌpiroꞌsa camairansoꞌ, anonsarin, itërin.

Daniel 4:35

Isoroꞌpaquë yaꞌhuëpisopita quëma marësoꞌ, co máquënoꞌsahuëꞌ. Inápaquë yaꞌhuëpisopita, nohuantëransoráchin nipi. Isoroꞌpaquëntaꞌ, ina pochachin nipi. Chini chiníquën nanantëran niꞌton, co insonta nanitarinhuëꞌ, chinitiinquënsoꞌ. Maꞌsha nipataontaꞌ: ‘¿Onpoatonta ina pochin nisaran?’ co itiinënso yaꞌhuërinhuëꞌ,” itërahuë.

Amós 3:6

Ninanoquë pomon irinpachina, piyapiꞌsa paꞌyanpi. Ninanoquë maꞌsha onpohuachinara, ca camaitërahuë niꞌton, napoarin.

Hechos 2:23

Napoaponahuëꞌ, canpitari atëpatëramaꞌ. Masahuatomaꞌ, nisha piyapiꞌsaꞌ quëtonamaꞌ corosëquë tëpacaiso marëꞌ. Co Yosë natëpihuëꞌ niꞌton, tëpapi. Iráca chachin Yosëri yonquirin huiꞌnin chiminacasoꞌ. Ina nohuanton, oshanënpoa marëꞌ chiminin. Co nohuantërinhuëꞌ naporini, co macacamasoꞌ nanichitomahuëꞌ. Canpitari atëpatopiramahuëꞌ,

Hechos 3:17

Quisoso Yosë quëran oꞌmapirinhuëꞌ, co nitotëramahuëꞌ. Napoaton, iyaroꞌsaꞌ, atëpatëramaꞌ. Huaꞌanoꞌsanëmantaꞌ co nitotopihuëꞌ.

Hechos 4:28

Quëmaso nipirinhuëꞌ chini chiníquën nanantëran. Co nohuantëranhuëꞌ naporini, co nanitapaitonahuëꞌ. Iráca quëran huarëꞌ yonquiran ina chiminacasoꞌ niꞌton, aparisitopi.

Jueces 14:4

Naporo tahuëriꞌsa huiristinoꞌsari israiroꞌsa huaꞌanëntapi. Napoaton Sinioro nohuanton Sansonsoꞌ huiristino sanapi yamanin. Oshaquëranchin huiristinoꞌsa ahuëcaso marëꞌ yamanin. Paꞌpin, aꞌshin, inapitasoꞌ: “Sinioro nohuanton napoarin,” co topihuëꞌ. Co inaora tëranta ina nitotërinhuëꞌ.

1 Samuel 15:29

Yosëso noya noya niꞌton, israiroꞌsanpoa chinotërëhuaꞌ. Co inaso nonpininhuëꞌ. Maꞌsona nicacaso yonquirinsoꞌ, noꞌtëquën nisarin. Inaso co piyapihuë niꞌton, co nisha nisha yonquirinhuëꞌ, itërin.