1 Reyes 12:14 - Chayahuita (Shahui)

¹⁴ Aꞌnapita huaꞌanoꞌsa co mashohuëꞌ nipisopitari pënëninsoꞌ shaꞌhuitërin: “Tatahuësoꞌ chiníquën asacatërinquëmaꞌ. Carimaso nipirinhuëꞌ, chini chiníquën asacataranquëmaꞌ. Copirno marëꞌ nininsoꞌ naꞌcon pahuërëtacasoꞌ camairinquëmaꞌ. Caso nipirinhuëꞌ, naꞌcon naꞌcon pahuërëtamasoꞌ camaiaranquëmaꞌ. Inasoꞌ, sintoron quëran ahuihuitërinquëmaꞌ. Carimaso nipirinhuëꞌ, huaꞌnaraꞌhuaquë motoanpinan huihuitiinanquë ahuihuitaranquëmaꞌ,” itërin.

1 Reyes 12:14 ပူးပေါင်းရင်းမြစ်များ

1 Reyes 12:13

Paapantapirinahuëꞌ, inariso co yainhuëꞌ nontërin. Co ansianoroꞌsari pënëninso pochin shaꞌhuitërinhuëꞌ.

Éxodo 1:13

Tëꞌhuatatonaꞌ, israiroꞌsa chiníquën aparisitopi. Co pahuëraponaraihuëꞌ asacatopi. Natricho nicacaiso marëꞌ noꞌpaꞌ atoꞌcapi. Iminënaquënta ahuëanaquëranchin chiníquën asacatopi. Napotopi.

Proverbios 13:10

“Caso noya noyaco,” topisopitasoꞌ, aꞌnaroáchin nanan ocoipi. Sano piyapiroꞌsaso nipirinhuëꞌ, yonquínahuan nicacaisoꞌ naꞌcon naꞌcon cancantopi.

Daniel 6:7

Yaꞌipi noꞌpanënpoaquë huaꞌanoꞌsa yaꞌconaisoꞌ, aꞌnara nanan quëma camaitacaso marëꞌ yonquirai. Cara shonca tahuëri marëꞌ quëmasáchin sinioro copirno piyapiroꞌsa maꞌsha nohuantopisoꞌ, natainën. Co aꞌna piyapi natanacaiso yaꞌhuërinhuëꞌ. Co yosënëna tëranta natanacaiso yaꞌhuërinhuëꞌ. Insosona co natëtohuachinhuëꞌ, paꞌpiniroꞌsa yaꞌhuërinquë tëꞌyatacaiso yaꞌhuërin. Ina inachachin nicacaiso marëꞌ quëma sinioro copirno quirica ninshitëraiquë, nininën acorahuaton huiꞌshaquëꞌ. Inapotohuatan, co huachi incari tëranta anishataponhuëꞌ. Mitiaroꞌsaꞌ, pirsiaroꞌsaꞌ, inapita ina pochin camaitohuachinara, co incari tëranta nanitërinhuë tapicasoꞌ, itopi.

Santiago 3:14

Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ.