1 Reyes 12:13 - Chayahuita (Shahui)

¹³ Paapantapirinahuëꞌ, inariso co yainhuëꞌ nontërin. Co ansianoroꞌsari pënëninso pochin shaꞌhuitërinhuëꞌ.

1 Reyes 12:13 ပူးပေါင်းရင်းမြစ်များ

Génesis 16:6

Napotohuachina, Apranisoꞌ itapon: —Niꞌquëꞌ, cosonanënsoꞌ, natëinquënso yaꞌhuërin. Maꞌsona nohuantëransoꞌ nitëquëꞌ, itërin. Naporo quëran huarëꞌ Saraisoꞌ, Acara paꞌpi aparisitërin. Napoaton, inaso taꞌarin huachi.

Génesis 42:30

—Iquipito noꞌpaꞌ huaꞌanquë camahuatoira, co yashinyántërahuëꞌ nontërincoi. “Canpitasoꞌ, nëhuëtonaꞌpiroꞌsanquëma ipora,” itërincoi.

Génesis 42:7

Ipora quënanapon chachin Cosisoꞌ, iinpita nohuitërin. Nohuitaponahuëꞌ, co nohuitërinhuë pochin ninin. Napoaton noꞌhuitatë pochin co yashinhuëꞌ nontërin: —¿Canpita poꞌ? ¿Intoparanta huëꞌnamaꞌ? itërin. —Canaan parti quëran, trico paꞌanapoi oꞌmarai, itopi.

2 Samuel 19:43

Napotohuachinara, inahuaso taantaponaꞌ: —Canpitaso aꞌna huëntoínchinquëmaꞌ. Quiyaso nipirinhuëꞌ, shonca huëntoncoi niꞌtoi, copirno caꞌtanaꞌhuaiso yaꞌhuërin antaꞌ. Naꞌcon naꞌconcoi nichinapon chachin ama nocancosoihuëꞌ. ¡Quiyariꞌton copirno Quirosarinquë huënantacasoꞌ, yonquirai! itopi. Ninapotatonaꞌ, ninoꞌhuipi. Cota huënton sontaroꞌsaso napoaponahuëꞌ, naꞌcon naꞌcon noꞌhuitopi.

1 Reyes 12:12

Cara tahuëri quëran Quiropoamosoꞌ, aꞌnapitarë chachin Nopoamo paapantapi. Shaꞌhuitërinso chachin nipi.

1 Reyes 12:14

Aꞌnapita huaꞌanoꞌsa co mashohuëꞌ nipisopitari pënëninsoꞌ shaꞌhuitërin: “Tatahuësoꞌ chiníquën asacatërinquëmaꞌ. Carimaso nipirinhuëꞌ, chini chiníquën asacataranquëmaꞌ. Copirno marëꞌ nininsoꞌ naꞌcon pahuërëtacasoꞌ camairinquëmaꞌ. Caso nipirinhuëꞌ, naꞌcon naꞌcon pahuërëtamasoꞌ camaiaranquëmaꞌ. Inasoꞌ, sintoron quëran ahuihuitërinquëmaꞌ. Carimaso nipirinhuëꞌ, huaꞌnaraꞌhuaquë motoanpinan huihuitiinanquë ahuihuitaranquëmaꞌ,” itërin.

Éxodo 10:28

Ina pochin cancantaton Moisësë itapon: —¡Paquë huachi! ¡Ama huachi onporo tëranta huëcapaiantacosohuëꞌ! ¡Naquëranchin quënaantahuatënquën atëpataranquën huachi! itërin.

Éxodo 5:2

Napotopirinahuëꞌ: —¿Ma Siniorocha inaso nicaya? ¿Ina canta natëi topiramahuë ti? ¡Co caso canpita Sinioro chinotëramaso nohuitërahuëꞌ! ¡Naporahuaton co onporonta aꞌpaꞌhuanquëmaso yaꞌhuërinhuëꞌ! itërin copirnori.

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Proverbios 15:1

Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

Santiago 3:17

Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ.

1 Samuel 20:10

—Tata co yainhuëꞌ aꞌpanihuachinquën, ¿inta ina shaꞌhuitaponco? itërin Tapiri.