1 Reyes 11:38 - Chayahuita (Shahui)

³⁸ Yaꞌipi camairanquënsopita natëton noya nipatansoꞌ, noya niꞌsaranquën. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin. Ina pochin quëmanta natëhuatanco, carinquën catahuaranquën niꞌton, quëmá quëran pipipisopitaráchin israiroꞌsa huaꞌanëntaponaꞌ. Tapi shaꞌhuitërahuëso chachin quëmanta nitaranquën.

1 Reyes 11:38 ပူးပေါင်းရင်းမြစ်များ

2 Samuel 7:11

Naporo tahuëriꞌsasoꞌ, israiroꞌsanquëma catahuaimaso marëꞌ nisha nisha huaꞌanoꞌsa acorahuë. Quëmanta carinquën catahuaranquën inimiconënpita minsëamasoꞌ. Yaꞌipi inapita quëran nichaꞌëranquën. Naporahuaton ca nohuanton quëmá quëran pipipisopitantaꞌ, israiroꞌsa huaꞌanëntáponaꞌ.

2 Samuel 7:16

Quëmá quëran pipipisopita cari aꞌpairápo. Napoaton inapitaráchin piyapinëhuëpita copirnonëna yaꞌconaponaꞌ. Ca nohuanto inapitaso copirno yaꞌconatonaꞌ, huaꞌanëntáponaꞌ. Co nisharoꞌsari huaꞌanëntarinhuëꞌ,” tënin,’ itëquëꞌ,” itërin.

1 Reyes 11:37

Quëmaso nipirinhuëꞌ, acoaranquën naꞌcon naꞌcon israiroꞌsa huaꞌanëntacaso marëꞌ. Onposoꞌ noꞌpaꞌ huaꞌanëntamaso nohuantohuatan, huaꞌanëntaran.

1 Reyes 11:39

Tapi quëran pipipisopitasoꞌ, Saromon tëhuërinso marëꞌ anaꞌintarahuë. Napoaporahuëꞌ, co anaꞌintomiatapohuëꞌ,’ tënin Sinioro,” itërin.

1 Reyes 3:14

Nohuantërahuësoráchin nicaton, pënëntërahuësopita, camaitërahuësopita, inapita natëquëꞌ. Tataco natërincoso pochin nipatan, huaꞌqui tahuëri niꞌcamasoꞌ catahuaranquën,” itërin.

1 Reyes 6:12

“Iporasoꞌ, chinotamacoso pëi nitaranco. Israiroꞌsanquëma yaꞌhuëramaquë yaꞌhuëcaꞌhuaso marëꞌ nitaranco. Yaꞌipi camaitërahuëso natëtonco noya niquëꞌ. Inapohuatan, carinta tataparinco shaꞌhuitërahuëso pochachin nitaranquën.

Éxodo 19:5

Yaꞌipi isoroꞌpaquë nisha nisha piyapiꞌsa cari huaꞌanëntërahuë. Napoaton canpitasoꞌ, yaꞌipi camaitërahuëso natëcoꞌ. Maꞌsona taꞌtëhua canpitarëꞌco anoyatërahuësonta coꞌsoꞌ naniantohuatamahuëꞌ, noya niꞌsaranquëmaꞌ. Aꞌnapita piyapiroꞌsa quëran, noya noya niꞌsaranquëmaꞌ.

Deuteronomio 12:25

Co huënainën caꞌpatamahuëꞌ, noya yaꞌhuëaramaꞌ. Huiꞌnamapitanta noya yaꞌhuëaponaꞌ. Noya ninamaso marëꞌ Yosë noya niꞌsarinquëmaꞌ.

Deuteronomio 31:8

Sinioro chachin quëchintaton noꞌtëquën quëpaarinquën. Co onporonta patarinquënhuëꞌ. Co naniantarinquënhuëꞌ. Napoaton ama manta tëꞌhuatëquësohuëꞌ,” itërin Moisësëri.

Josué 1:5

Nanpisënquën, co inso tëranta nanitarinhuëꞌ minsëinquënsoꞌ. Moisësë catahuarahuëso pochachin quëmanta catahuaranquën. Co naniantaranquënhuëꞌ. Co pataranquënhuëꞌ.