1 Reyes 11:36 - Chayahuita (Shahui)

³⁶ Huiꞌninsoꞌ aꞌna huëntoínchin huaꞌanëntapon huachi. Tapi quëran pipirinsoꞌ Quirosarinquë huaꞌanëntacaso marëꞌ napoarin. Inaquë chinotiinacoso marëꞌ huayonahuë niꞌton, napoarahuë.

1 Reyes 11:36 ပူးပေါင်းရင်းမြစ်များ

2 Samuel 22:29

Quëmasoꞌ aꞌpintatë pochin nitatonco noyasha acancantëranco. Tashinanquë paꞌnëso pochin maꞌsha onpotatonaco yatëparinaco. Quëmaso nipirinhuëꞌ, aꞌpintatë pochin nitëranco. Napotohuatancora, co inimicoroꞌsa maꞌsha onpotarinacohuëꞌ.

2 Samuel 7:16

Quëmá quëran pipipisopita cari aꞌpairápo. Napoaton inapitaráchin piyapinëhuëpita copirnonëna yaꞌconaponaꞌ. Ca nohuanto inapitaso copirno yaꞌconatonaꞌ, huaꞌanëntáponaꞌ. Co nisharoꞌsari huaꞌanëntarinhuëꞌ,” tënin,’ itëquëꞌ,” itërin.

2 Samuel 7:29

Shaꞌhuitërancoso chachin nipachin, cá quëran pipipisopita copirno yaꞌconpachina, catahuaquëꞌ. Inapotaton noya aꞌpaiquëꞌ. Quëmaso Sinioro, Yosënquën. Chini chiníquën nanantaton, nani shaꞌhuitëranco. Napotërancoso chachin, inapitaso nitaran niꞌton, noya huaꞌanëntaponaꞌ,” itërin.

1 Reyes 11:32

Saromonsoꞌ aꞌna huëntoínchin huaꞌanëntapon. Piyapinëhuë Tapi itopisoꞌ noya nicato napotarahuë. Quirosarinta cari huayonahuë inaquë pëinëhuë yaꞌhuëcaso marëꞌ niꞌton, nosororahuë. Napoaton ina pochin nisarahuë.

1 Reyes 11:37

Quëmaso nipirinhuëꞌ, acoaranquën naꞌcon naꞌcon israiroꞌsa huaꞌanëntacaso marëꞌ. Onposoꞌ noꞌpaꞌ huaꞌanëntamaso nohuantohuatan, huaꞌanëntaran.

1 Reyes 12:17

Yaꞌhuërëꞌ Cota huënton israiroꞌsasoꞌ, Nopoamo copirno natëpi.

1 Reyes 2:4

Huiꞌnanpita, shiparinpita, inapitanta inasáchin natëcaiso yaꞌhuërin. Inapohuatamaꞌ, carë anoyatërinso chachin, quëmopinënporáchin israiroꞌsa copirnonëna nicaponaꞌ.

Hebreos 12:22

Canpoaso nipirinhuëꞌ, co ina motopi yaꞌcarirëhuahuëꞌ. Quisocristo imapatëhuaꞌ, nisha motopi yaꞌcarirëhuaꞌ, Sion itopisoꞌ. Yosë chachin nohuitarihuaꞌ. Co ipora quënanpirëhuahuëꞌ, nanpiárin. Aꞌna tahuëri yaꞌhuërinquë chachin pantarihuaꞌ. Nasha Quirosarinquë yaꞌhuëcontarihua huachi. Notohuaroꞌ anquëniroꞌsaꞌ inaquë niyontonpi. Noya cancantatonaꞌ, Yosë chinotapi.

Apocalipsis 21:10

Itohuachincora, huaꞌnarëso pochin niantarahuë. Ispirito Santo nohuanton, panca motopiꞌpaꞌ quëparinco. Inaquë noya ninanoꞌ aꞌnotërinco. Nasha Quirosarin itopisoꞌ. Ina ninanosoꞌ Yosë yaꞌhuërin quëran chachin oꞌmararin.