1 Reyes 11:26 - Chayahuita (Shahui)

²⁶ Huaꞌqui quëran aꞌna huaꞌani Saromon chinitërin. Inari chachin huaꞌan acopirinhuëꞌ, naporin. Inasoꞌ huaꞌan Napato huiꞌnin Quiropoamo itopi. Inasoꞌ, Sirita ninano itopiquë yaꞌhuërin. Iprain israiroꞌsa noꞌpanënquë yaꞌhuërin. Paꞌpinsoꞌ nani chiminin. Aꞌshinsoꞌ, Sirohuia itopi. Inaso quëyoron.

1 Reyes 11:26 ပူးပေါင်းရင်းမြစ်များ

Génesis 35:16

Huaꞌquimiachin inaquë yaꞌhuërapi quëran paantapi. Paꞌsápatonaꞌ, Iporata ninanoquë yaꞌcaritopi huachi. Inaquë Naquirasoꞌ, paꞌpi parisë quëran huaiton, coꞌchachin ninin. Napoaso ahuaitonaꞌpiri itapon: “Ama paꞌyanquësohuëꞌ, quëmapi chachin huaiyantaran,” itërin.

1 Reyes 11:28

Saromoni chiníquën huiꞌnapi nicaton, sacato huaꞌan nicacaso marëꞌ acorin. Iprain, Manasisi, inapita huëntonoꞌsaquë sacatoroꞌsa yaꞌhuërinsoꞌ, camaicaso marëꞌ acorin. Inapitasoꞌ, Cosi shinpita.

1 Reyes 21:22

Quiropoamo, Paasa, inapita copirnoroꞌsa quëmopinënpita napotërahuëso pochachin quëmanta nitaranquën. Inapita pochachin quëmanta israiroꞌsa aoshahuanan. Inaporan niꞌton, paꞌpi noꞌhuitato napotaranquën.

1 Samuel 1:1

Iprain huënton motopiroꞌsaquë aꞌnara ninano yaꞌhuërin Nama itopisoꞌ. Inaquë aꞌnara quëmapi Iricana itopiso yaꞌhuërin. Inasoꞌ, Sohui itopisoꞌ shiin. Iricanasoꞌ, Iroamo itopisoꞌ huiꞌnin. Iroamonta paꞌpin, Irio itopi. Irionta paꞌpin, Too itopi. Toonta paꞌpin, Sohui itopi. Inasoꞌ, Iprain huënton quëmapi.

1 Samuel 17:12

Shaꞌhuitëranquëmaso chachin Pirin ninanoquë aꞌnara Israiro quëmapi yaꞌhuërin. Inasoꞌ, Quisi itopi. Saono copirno nicasoꞌ, inasoꞌ nani másho ninin. Posa huiꞌninpita yaꞌhuëtërin. Aꞌnasoꞌ, Tapi itërin.