1 Reyes 10:5 - Chayahuita (Shahui)

⁵ Misanënquë naꞌa noya cosharo capacaiso marëꞌ acopisoꞌ, huaꞌanoꞌsa yaꞌhuëcaiso marëꞌ noyápiachin patoanaroꞌsa acotërinsoꞌ, piyapinënpita, oꞌshinaꞌpi huaꞌanoꞌsanënpita, onpo sacatopisoꞌ, onpo aꞌmoanpisoꞌ, corto huaꞌanoꞌsanta Sinioro marëꞌ noya maꞌsharoꞌsa tëparahuatona yaꞌipi ahuiquitopisoꞌ, yaꞌipi inapita niꞌnin. Yaꞌipi inapita niꞌsahuaton, paꞌpi paꞌyantërin.

1 Reyes 10:5 ပူးပေါင်းရင်းမြစ်များ

1 Reyes 10:4

Yaꞌipi noꞌtëquënáchin aꞌpanitërinso natanaton: “Tëhuënchachin iso quëmapisoꞌ, yonqui yonquínahuan,” tënin. Huaꞌanëntërinso pëi anitërinsontaꞌ, niꞌnin.

1 Reyes 10:6

Paꞌyanaton Saromon itapon: “Yaꞌhuërahuëso parti, yonquínahuan ninansoꞌ natantërahuë. Maꞌpitasona ninansopitantaꞌ, natantërahuë. Noꞌtëquën shaꞌhuitërinaco, tënahuë.

Lucas 18:10

“Catoꞌ quëmapi Yosë chinotopiso pëiquë Yosë nontacaso marëꞌ paꞌpi. Aꞌnasoꞌ parisio. Aꞌnantaꞌ coriqui copirno marëꞌ maꞌpatërinsoꞌ.

Josué 5:1

Cortaniiꞌ quëran piꞌi yaꞌconinso parti noꞌpaquë, nisha nisha copirnoroꞌsa yaꞌhuëpi. Amoro copirnoroꞌsaꞌ, Canaan copirnoroꞌsaꞌ, inapita yaꞌhuëpi. Amororoꞌsasoꞌ, Cortaniiꞌ yonsan parti yaꞌhuëpi. Cananoꞌsantaꞌ, marë Pancaiꞌ parti yaꞌhuëpi. Yaꞌipi inapita natantopi: “Siniorori Cortaniiꞌ ayanirin. Inapotasoꞌ, israiroꞌsanta pëntontopi,” topi. Ina natantatonaꞌ, naꞌcon naꞌcon paꞌyanpi. Napoaton co nanitopihuëꞌ israiroꞌsa chinitacaisoꞌ.