1 Reyes 10:28 - Chayahuita (Shahui)

^28-29 Cahuarioroꞌsasoꞌ, copirno marëꞌ maꞌsha paꞌanpisopitari Iquipitoquë paꞌanpi. Sisiria partinta paꞌanpi. Inaquëpita noya noya cahuarioroꞌsa yaꞌhuërin niꞌton, napopi. Paꞌanatona copirno nanchanënpitaquë, israiroꞌsa yaꞌhuëpiquë aꞌpaintapi. Iquipitoquë toronan paꞌanpachinara, saota pasatëꞌ coriqui marëꞌ paꞌanpi. Ina coriquisoꞌ, prata quëran ninin. Yaꞌhuërëꞌ aꞌnara cahuarioso paꞌanpachinara, pasa aꞌnatërápo shoncatë marëꞌ paꞌanpi. Iti copirnoroꞌsaꞌ, Siria copirnoroꞌsaꞌ, inapitanta huëꞌsahuatonaꞌ, ina cahuarioroꞌsaꞌ, toronanoꞌsaꞌ, inapita paꞌanquipi. Copirno marëꞌ maꞌsha paꞌanpisopitari paꞌantopi.

1 Reyes 10:28 ပူးပေါင်းရင်းမြစ်များ

Génesis 41:42

Napotahuaton huaraonsoꞌ, imisirinquë sicho poꞌmoitëranën poꞌmorinsoꞌ ocoirin. Ina ocoirahuaton Cosi imisirinquë poꞌmotërin. Inapotahuaton, piyapinënpita camairin: “Noya noya rino piꞌshi quëran nëꞌmëtë nipisoꞌ aꞌmotocoꞌ. Naporahuaton, osëtë oro quëran nipisoꞌ, apëꞌpëconotocoꞌ.

Génesis 47:17

Napotohuachina iquipitoroꞌsasoꞌ, pëꞌtahuanëna quëshipi: Cahuarionënaꞌ, ohuicanënaꞌ, ohuacanënaꞌ, moranënaꞌ, inapita quëshipi. Inapita marëꞌ naporo piꞌiquë trico canpiatërin.

Proverbios 7:16

Noyápiachin sahuanasaquë quëhuëntërahuësoꞌ huëtërahuë. Inasoꞌ, Iquipito rino piꞌshi quëran nipinan.