1 Reyes 10:22 - Chayahuita (Shahui)

²² Tarsis ninano itopiquë Saromonsoꞌ nancharoꞌsa anitërin. Inapitaquë piyapinënpitari nani cara piꞌipi quëran oro quëshipi. Prata, huiri pomon, tanpahuanoꞌsaꞌ, nisha huaro huaroroꞌsaꞌ, inapita quëshipi. Iran copirno nanchanënpitarë chachin paꞌsahuatona quëshipi.

1 Reyes 10:22 ပူးပေါင်းရင်းမြစ်များ

Génesis 10:4

Capano huiꞌninpitantaꞌ: Inisi, Tarsis, Quitimo, Notanimo, inapita.

1 Reyes 10:18

Huaꞌanëntacaso shiranëntaꞌ, huiri pomon quëran anitërin. Nani tënihuachinara, oro quëran yaꞌipi pashitopi.

1 Reyes 10:21

Oꞌorinquë minëroꞌsantaꞌ, oro quëransáchin nipi. “Nipano tanan” itopiso pëiquënta coshatacaiso marëꞌ ohuarapisopitasoꞌ, inanpi quëransáchin nipi. Co manta prata quëranso yaꞌhuërinhuëꞌ. Naporo tahuëriꞌsasoꞌ, naꞌcon naꞌcon oro yaꞌhuërin niꞌton, pratasoꞌ, co aquëtë paꞌtërinhuëꞌ.

Copo naporinso' 39:13

Apistro itopiso inairasoꞌ, capa cancantaton porin porintarin. Napoaponahuëꞌ, co cayoquën nosororinhuëꞌ.

Salmos 72:10

Noya nicatonaꞌ, nani maꞌsha quëchinaꞌ. Copirno marëꞌ nininsonta pahuërëchinaꞌ. Tarsis copirnoroꞌsaꞌ, Soꞌtonoꞌsaquë copirnoroꞌsa yaꞌhuëpisoꞌ, inapitarinta inapochinaꞌ. Sapa, Sipa, inaquëpita copirnoroꞌsa yaꞌhuëpisontaꞌ, inapochinaꞌ.

Isaías 60:9

Panca nancharoꞌsa napopináchin huëcatona naporiapi. Tarsis ninanoquë nipisopita quëchitëriapi. Aquë quëran Quirosarin yaꞌhuëhuanoꞌsa quësapi. Oronënaꞌ, pratanënaꞌ, inapitarë chachin huëꞌsapi. Sinioro noya nicatona quëtacaiso marëꞌ napoapi. Inasoꞌ Yosë noyasáchin ninin. Napoaton Israirori chinotërin Ina mini noya noya acoarinquëma huachi.

Amós 3:15

Maꞌhuanoꞌsasoꞌ, oꞌnapi pëi yaꞌhuëtopi. Piꞌipi pëinta yaꞌhuëtopi. Yaꞌhuëtopirinahuëꞌ, cari yaꞌipi ataꞌhuantarahuë. Aꞌnaquën pëiroꞌsasoꞌ, huiri pomon quëranpita tapapitarapi. Aꞌnaquëonta panca nisahuaton noyápiachin pëiroꞌsa acopi. Inapopirinahuëꞌ, yaꞌipi ataꞌhuantarahuë.” Ca Sinioroco noꞌtëquën shaꞌhuitaranquëmaꞌ.

Jonás 1:3

Napotopirinhuëꞌ, Conasëso co inaquë pacatonhuëꞌ, niquë paꞌnin. Sinioro yataꞌananpiton, Copë ninano nonshinanquë paꞌmarin. Inaquë nipachina, aꞌnara panca nancha Tarsis ninanoquë yapaꞌsarinsoꞌ, quënanconin. Inanta pahuërëtahuaton, Sinioro taꞌananpicaso marëꞌ imatërin.