1 Reyes 10:2 - Chayahuita (Shahui)

² Chini chiníquën nanantopisopita huaꞌanoꞌsari caꞌtanpi. Camiyonënpitaquë pimo huaꞌsairoꞌsaꞌ, oro, naꞌpiraꞌhua paꞌton nininsopita, inapita notohuaroꞌ quënin. Saromonquë canquihuachina, tënicaso marëꞌ maꞌpitaso yanataninsopita natanin.

1 Reyes 10:2 ပူးပေါင်းရင်းမြစ်များ

Génesis 18:33

Apraan nontërinso toquitahuaton, Sinioroso paꞌnin huachi. Apraaontaꞌ, nëꞌmëtë pëinënquëꞌpaꞌ panantarin.

1 Reyes 10:10

Napotahuaton cara huaranca iscon pasa saota shonca quiro quëꞌninsoꞌ, oro quëtërin. Naꞌpiraꞌhua paꞌton nininsopita, pimo huaꞌsairoꞌsaꞌ, inapitanta notohuaroꞌ quëtërin. Co onporonta ina nápo pimo huaꞌsaiꞌ israiroꞌsa yaꞌhuëpiquë, quëchinpihuëꞌ.

1 Reyes 10:3

Natanpachina, inariso yaꞌipi noꞌtëquën aꞌpanirin.

2 Reyes 5:5

Ina natanahuaton copirnosoꞌ: —Noyapaꞌ. Paquë inatohua nipachin. Cari ninshitahuato ina pochin Israiro copirno quirica aꞌpatarahuë, itërin. Napotohuachina, Namanoso inatohua pacacaso marëꞌ tapatarin. Cara shonca huaranca coriqui prata quëran nininsopita manin. Saota huaranca coriqui oro quëran nininsopitanta manin. Aꞌmocaisontaꞌ, shonca manin. Yaꞌipi inapitasoꞌ, anoyatohuachina quëtacaso marëꞌ quëpatapon.

2 Reyes 5:9

Namanoso ina nitotaton, toronanënquë paꞌnin Irisio nicapon. Pëinën yaꞌcoanaquë huarëꞌ canconahuaton, chiniconin.

Salmos 72:10

Noya nicatonaꞌ, nani maꞌsha quëchinaꞌ. Copirno marëꞌ nininsonta pahuërëchinaꞌ. Tarsis copirnoroꞌsaꞌ, Soꞌtonoꞌsaquë copirnoroꞌsa yaꞌhuëpisoꞌ, inapitarinta inapochinaꞌ. Sapa, Sipa, inaquëpita copirnoroꞌsa yaꞌhuëpisontaꞌ, inapochinaꞌ.

Isaías 30:6

Pëꞌtahuaroꞌsanta huaꞌanoꞌsari quëpapisoꞌ yonquiato shaꞌhuitaranquëmaꞌ: Camiyoquë, moraquë, inaquëpita yaꞌmitëatona Iquipitoquë huaꞌanoꞌsa paꞌsapi. Naꞌcon paꞌtërinsopita tapapisoꞌ, inapitaquë aꞌmitëatona Iquipito huaꞌanoꞌsa quëpataponaꞌ. Niquipi inotërotaquëchin paꞌsapi. Paꞌpi huëhuëpiro noꞌpaꞌ paꞌtapi. Inaquësoꞌ, paꞌpiniroꞌsa përarantapi. Quëtëton yaꞌhuanoꞌsaꞌ, yanponaꞌpi yaꞌhuanoꞌsaꞌ, inapitanta yaꞌhuërin. Iquipitoroꞌsa co maquë nanitopirinahuëꞌ, inapita quëpataponaꞌ. Napoaton carisoꞌ, iquipitoroꞌsa apoyatërahuë: “Topinan quëran përanaꞌpi maꞌsha,” itërahuë.

Lucas 24:15

Ninontasoiꞌ, Quisosori chachin yaꞌcariquirin. Inapitarëꞌ paꞌsapirinhuëꞌ,

Hechos 25:23

Tahuëririnquë Acripasoꞌ Pirinisarë chachin huëꞌpi. Noyasha nitaparahuatonaꞌ, natanacaiso pëiquë yaꞌconpi. Capitanoꞌsaꞌ, ninanoꞌ huaꞌanoꞌsaꞌ, inapitantaꞌ yaꞌconpi. Naporahuatonaꞌ, Paonontaꞌ amatopi.