1 Reyes 1:9 - Chayahuita (Shahui)

⁹ Aꞌna tahuëri Atoniasësoꞌ, Soiriti natëtë pirayan pita ninin. (Inaso natëtëꞌ, Noquiri itopiquë huinan yaꞌhuërinso yaꞌcari yaꞌhuërin.) Ina pitaquë capacaiso marëꞌ ohuicaroꞌsaꞌ, tororoꞌsaꞌ, toroaꞌhuaroꞌsa amoshin nipisopita, inapita atëpatërin. Inapoaton yaꞌipi pochin iinpita përarin. Yaꞌipi Cota huënton sacatoroꞌsa copirno marëꞌ sacatopisontaꞌ, përarin. Coshatasoi shaꞌhuirin: “Yaꞌipi israiroꞌsa copirnonën ca yaꞌcoanahuë,” itërin.

1 Reyes 1:9 ပူးပေါင်းရင်းမြစ်များ

2 Samuel 17:17

Conatan, Aimasë, inapitasoꞌ, In-roquë itopiso huinanquë nisapi. Co nanitopihuëꞌ Quirosarinquë pacacaisoꞌ. Inaquë quënanpi naporini, Apësaronquë shaꞌhuirapiitonahuëꞌ. Ina camaitërin macatonaꞌ, Tapi shaꞌhuirapicaiso marëꞌ aparisichitonahuëꞌ. Napoaton Satoco, Apiataro, inapitasoꞌ, aꞌnara piyapinën sanapi inatohua aꞌpapi. Osairi Tapi nanan aꞌpatërinso shaꞌhuitacaso marëꞌ aꞌpapi. Ina natanatonaꞌ, inapitaso aꞌnaroáchin Tapi shaꞌhuitapona paꞌpi.

1 Reyes 1:19

Tororoꞌsaꞌ, toroaꞌhuaroꞌsa inapita atëpatërin. Naꞌa ohuicaroꞌsanta atëpatahuaton, pita nisarin. Huiꞌnanpita yaꞌipiya pochin përarin. Apiataro, Coapo, inapitanta përarin. Saromoánchin co përarinhuëꞌ.

1 Reyes 1:25

Ipora tahuëri chachin inaso pita nicaton, naꞌa ohuicaroꞌsaꞌ, tororoꞌsaꞌ, toroaꞌhuaroꞌsaꞌ, inapita atëpatërin. Inaporahuaton yaꞌipiya pochin huiꞌnanpita përarin. Sontaro capitanoꞌsanta përasahuaton, Apiataro corto huaꞌaonta përarin. Inaquë capatonaꞌ, oꞌotonaꞌ, chiníquën noncaroapi: “¡Atoniasë copirno, huaꞌqui tahuëri huaꞌanënchinpoaꞌ!” tosapi.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Mateo 22:4

Copirnoso natanahuaton, aꞌnapita piyapinënpita aꞌpaantarin: ‘Shaꞌhuitoncoꞌ manóton huëꞌinaꞌ. Nani ohuacaroꞌsaꞌ amoshin nipisopita atëpatërahuë capacaso marëꞌ. Nani yaꞌipi taparahuë. Huëco huachi caꞌahuaꞌ, itoncoꞌ,’ itahuaton aꞌparin.