1 Reyes 1:39 - Chayahuita (Shahui)

³⁹ Coꞌhuara inaquë paꞌshátëraponaraihuëꞌ, Satoco corto huaꞌansoꞌ, Yosë caposonën yaꞌhuërinquë paꞌnin. Ina quëran pomonquë Yosë marëꞌ toma tapapiso masahuaton paꞌnin. Canconpachina, inaquë Saromon opomototahuaton copirno nicacaso marëꞌ acorin. Ina piquëran aꞌnari carniro pomon pihuirin. Naporoꞌ yaꞌipi caꞌtanpisopitari chiníquën nonatonaꞌ: “¡Saromon copirno huaꞌqui tahuëri nanpiton, huaꞌanënchinpoaꞌ!” topi.

1 Reyes 1:39 ပူးပေါင်းရင်းမြစ်များ

1 Reyes 1:25

Ipora tahuëri chachin inaso pita nicaton, naꞌa ohuicaroꞌsaꞌ, tororoꞌsaꞌ, toroaꞌhuaroꞌsaꞌ, inapita atëpatërin. Inaporahuaton yaꞌipiya pochin huiꞌnanpita përarin. Sontaro capitanoꞌsanta përasahuaton, Apiataro corto huaꞌaonta përarin. Inaquë capatonaꞌ, oꞌotonaꞌ, chiníquën noncaroapi: “¡Atoniasë copirno, huaꞌqui tahuëri huaꞌanënchinpoaꞌ!” tosapi.

1 Reyes 1:34

Inaquë Satoco, Natan, inapitari tomaquë opomototahuatonaꞌ, israiroꞌsa copirnonën nicacasoꞌ marëꞌ acoꞌinaꞌ. Nani acohuachinaꞌ, naní quëran chiníquën noinaꞌ: “¡Saromon copirno huaꞌqui tahuëri nanpiton, huaꞌanënchinpoaꞌ!” chinaꞌ.

1 Reyes 1:40

Naporahuatona Quirosarinquë imaquipi. Capa cancantatona pirinanoꞌsa pihuiriapi. Inapoapona pochin chiníquën noncaropi niꞌton, noꞌpaꞌ nacontochináchin niriapi.

Salmos 89:20

Inasoꞌ, Tapi. Piyapinëhuë huayonahuësoꞌ. Ca marëꞌ toma nipiquë opomototohuachina, copirno nicacaso marëꞌ acorahuë.

1 Samuel 10:24

Naporoꞌ Samoirori yaꞌipi israiroꞌsa itapon: —¡Yaꞌipima niꞌcoꞌ! ¡Iso mini Siniorori copirnonëma marëꞌ huayonin! ¡Co aꞌna Israiro quëmapi tëranta ina pochin huanirinhuëꞌ! itërin. —¡Ma inacha inaso paya! ¡Huaꞌqui tahuëri camaiinpoaꞌ! topi aꞌnapita israiroꞌsantaꞌ.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.