1 Reyes 1:36 - Chayahuita (Shahui)

³⁶ Naporoꞌ Pinaiari copirno itapon: —¡Noyapaꞌ! Camaitëranso chachin mini nisarai. Ipora camaitëransoꞌ, Yosë nohuantërinso chachin niin.

1 Reyes 1:36 ပူးပေါင်းရင်းမြစ်များ

1 Reyes 1:35

Ina quëran caꞌtanatomaꞌ, huaꞌanëntërahuësoꞌ shiranëhuëquë ahuënsëicoꞌ. Nani ina huayonahuë ca yaꞌhuërënamëhuë yaꞌipi israiroꞌsa huaꞌanëntacaso marëꞌ, itërin.

1 Reyes 1:37

Naporahuaton quëma catahuarinquënso pochachin Saromonta Siniorori catahuain. Ina nohuanton quëma huaꞌanëntëran quëran noya noya inaso huaꞌanënchin, itërin.

Salmos 63:1

Quëmasáchin Yosënëhuënquën. Paꞌpi yamororëso pochin cancantato, yanohuitëranquën. Inotëroquë noꞌpaꞌ yanirin. Inaquë shaꞌtohuatëra, co noyatërinhuëꞌ. Ina pochin cancantato noyá nohuitaꞌhuanquë huarëꞌ sano cancantarahuë.

Salmos 72:19

Inasoꞌ, noyápiachin. Inasáchin chinotomiachinaꞌ. ¡Yosë huënaratërinsoari yaꞌipi isoroꞌpaꞌ noyá aꞌpinchin! ¡Inapoꞌin mini!

Salmos 89:20

Inasoꞌ, Tapi. Piyapinëhuë huayonahuësoꞌ. Ca marëꞌ toma nipiquë opomototohuachina, copirno nicacaso marëꞌ acorahuë.

Salmos 89:26

Nontohuachincora, ‘quëmaso tatahuënquën, Yosënëhuënquën, paꞌpoyaranco, nichaꞌëranco, napotëranco,’ itaponco.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Mateo 6:13

Co noyahuëꞌ yonquihuatoi, catahuacoi aꞌnaroáchin nanianchii. Catahuacoi ama sopai minsëincoisohuëꞌ. [Quëmasáchin huaꞌanëntarancoi. Yaꞌipi nanitaparan. Ipora quëran huarëꞌ yaꞌipiya natëinënquën. Amen,]’ itocoꞌ Yosë nontohuatamaꞌ.

1 Corintios 14:16

Niyontonpatamaꞌ, aꞌnaquëmaꞌ Yosë chinotatomaꞌ, “Yosparinquën,” itohuachina, napopináchin yonquiatomaꞌ, “Amen,” tënamaꞌ. Napoaponahuëꞌ, nisha nananquë nonpiso pochin nontëramaꞌ naporini, aꞌnapitasoꞌ co nitotatonahuëꞌ, co “Amen” taꞌcaisoꞌ nanichitonahuëꞌ.