1 Reyes 1:29 - Chayahuita (Shahui)

^29-30 Naporoꞌ copirnori itapon: —Siniorosoꞌ, nisha nisha maꞌsha onporahuësopita quëran nichaꞌërinco. Ina niꞌsárinco niꞌton, Yosë chinotërëhuaso yonquiato iráca Yoscoarëꞌ itëranquën. Napo nontëranquënso chachin, ipora tahuëri nisarahuë. Huaꞌhuan copirno yaꞌconaton, huaꞌanëntërahuëso shiranëhuëquë huënsapon huachi, itërin.

1 Reyes 1:29 ပူးပေါင်းရင်းမြစ်များ

2 Samuel 12:5

Ina natanaton, Tapiso paꞌpi noꞌhuitërin. Maꞌhuan naporinso marëꞌ noꞌhuitaton, Natan itapon: —¡Co nosoroatonhuëꞌ napotërin niꞌquëhuarëꞌ, pahuërëchin. Catapini ohuica ina marëꞌ pahuërëtacaso yaꞌhuërin. Naporahuaton, Yoscoarëꞌ noya chiminacasoꞌ! itërin.

1 Reyes 1:28

Natani napotërinsoꞌ natanahuaton, Tapisoꞌ, Pitisapi apërátaantarin. Huëꞌsahuaton inasoꞌ, copirno notënanquë huanirin.

1 Reyes 17:1

Carata parti, Tisipi ninanoquë aꞌnara pënëntonaꞌpi yaꞌhuërin. Inasoꞌ, Iniasë itopi. Aꞌna tahuëri inasoꞌ, Acapo paaparahuaton itapon: “Sinioro chinotërëhuaso yaꞌhuërin niꞌton, caso inasáchin natërahuë. Ina camairinco niꞌton, noꞌtëquën shaꞌhuitaranquën. Ipora quëran huarëꞌ co huachi oꞌnanaponhuëꞌ. Co poroncayo tëranta yaꞌhuëaponhuëꞌ. Ca shaꞌhuiantaꞌhuarëꞌ yaꞌhuëantapon. Co Sinioro natëtonhuëꞌ oshahuananso marëꞌ ina pochin anaꞌintarinquën,” itërin.

1 Reyes 18:10

Iꞌhua chachin inasoꞌ, comisionoꞌsa nisha nisha parti aꞌparin yoniinënquënso marëꞌ. Nisha nisha nacionquë paꞌpirinahuëꞌ, co quënaninënhuëꞌ. Huënantatona shaꞌhuihuachinara: “¿Yoscoarëꞌ co quënanamahuëꞌ?” itërin copirnori. Napotohuachina, inapitasoꞌ: “Nonpinpatoisoꞌ, Yosë anaꞌinchincoi” topi.

2 Reyes 4:30

Sanapiso napoaponahuëꞌ, Irisio itapon: —Yoscoarëꞌ sinioro, quëma paꞌpatan naporo huarëꞌ canta paꞌsarahuë, itërin. Napotohuachina, inanta paꞌnin.

2 Reyes 5:16

—Yoscoarëꞌ co manta maꞌparanquënhuëꞌ, itërin Irisiori. Namanori apisápirinhuëꞌ, co nohuanchátërarinhuëꞌ maꞌpacasoꞌ.

2 Reyes 5:20

Irisio piyapinënso yonquirin: “Huaꞌanëhuësoꞌ, Namano co manta maꞌpaponahuëꞌ aꞌparin. Yoscoarëꞌ cari imasarahuë. Tapona maꞌsha tëranta maꞌparahuë,” tënin.

Salmos 72:14

Huaꞌanëntatona aparisitohuachinaꞌ, nichaꞌësarin. Naꞌcon paꞌtërinso pochin nicaton napotarin.

Jueces 8:19

Napotohuachinara: —¡Iya mashoroꞌsa napotëramaꞌ! Coꞌsoꞌ tëparamahuëꞌ naporini, Yoscoarëꞌ co carimantaꞌ, ipora tëpaꞌitënquëmahuëꞌ, itërin chiníquën nontaton.

1 Samuel 14:39

Siniorosoꞌ nichaꞌërinpoaꞌ. Ina niꞌsárinco niꞌton, noꞌtëquën shaꞌhuitaranquëmaꞌ. Huiꞌnahuë tëranta tëhuërin nipachin, chiminarin, itërin. Napotopirinhuëꞌ, co insoari tëranta aꞌpanirinhuëꞌ.

1 Samuel 14:45

Inaso napopirinhuëꞌ, yaꞌipi Israiro sontaroꞌsari huanirahuatona itaponaꞌ: —¡Co Conatan chiminacaso yaꞌhuërinhuëꞌ! ¡Ina caniaritërin niꞌton, inimiconënpoa minsërëhuaꞌ! ¡Co ina pochin nicacaso yaꞌhuërinhuëꞌ! ¡Sinioro nanpiárin nichinapon chachin co nohuantëraihuëꞌ Conatan maꞌsha onpocasoꞌ! Inari mini catahuarin niꞌton, naporinsoꞌ, itopi. Napotatonaꞌ, Conatan nichaꞌëpi.

1 Samuel 19:6

Huiꞌnini napotërinso natanahuaton, Saonoso chiníquën nonin: —Yoscoarëꞌ co tëpapohuëꞌ, tënin.

1 Samuel 20:21

Nani aꞌpahuato piyapinëhuë camaiarahuë: “Paaton shinërëroꞌsa yoníquëꞌ,” itohuato paꞌsarin. Paasoꞌ: “Naroꞌparan nisapi. Maquimaquëꞌ,” itohuatosoꞌ, noya nanan yaꞌhuërin niꞌton, noya huëꞌsaran. Sinioronta nitotërin co manta onpoaranhuëꞌ.