1 Pedro 5:7 - Chayahuita (Shahui)

⁷ Ama maꞌsha onpochináchin yonquicosohuëꞌ. Yaꞌipiya Yosë shaꞌhuitocoꞌ catahuainquëmaꞌ. Ina quëran: “Nosoroatonpoaꞌ, co naniantarinpoahuëꞌ,” taꞌtomaꞌ sano cancantocoꞌ.

1 Pedro 5:7 ပူးပေါင်းရင်းမြစ်များ

Salmos 34:15

Aꞌnapita maꞌshanëna noya nicatonaꞌ, co sëꞌhuahuachinahuëꞌ, Siniorori noya aꞌpaiarin. Maꞌsha onpoatona nontohuachinara, noya natanaton catahuararin.

Salmos 37:5

Nani tahuëri Yosë nontatomaꞌ: “Nohuantëransoꞌ Sinioro anitotoco natëinquën,” itocoꞌ. Inasáchin chinotohuatamaꞌ, catahuararinquëmaꞌ.

Salmos 40:17

Caso nipirinhuëꞌ, maꞌsha onpoato nosorotárahuë. Ama Sinioro naniantocosohuëꞌ. Quëmasáchin catahuatonco nichaꞌëranco. ¡Manóton catahuaco huachi!” itërahuë.

Mateo 6:27

Chiminacaso nanihuachin co napion ancantopiramahuëꞌ, co aꞌna tahuëri tërantaꞌ nanitaramahuëꞌ anaꞌhuëcamasoꞌ.

Mateo 6:28

Nitapacamasontaꞌ, co aquëtë yonquicamaso yaꞌhuërihuëꞌ. Niꞌcoꞌ. Yancoroꞌsaꞌ topinan noya papotopi. Co sacatopihuëꞌ. Co mantaꞌ aꞌmocaiso nipihuëꞌ. Nipirinhuëꞌ, noyápiachin yancotopi.

Mateo 6:31

Ama maꞌsha yonquiatomaꞌ, paꞌyancosohuëꞌ. ‘¿Maꞌcha caꞌnëꞌpoya? ¿Maꞌcha oꞌorëꞌpoya? ¿Maꞌcha aꞌmorëꞌpoya?’ ama tocosohuëꞌ.

Marcos 4:38

Yaꞌhuërë Quisososoꞌ, huanconënquë motonan motoantahuaton, huëꞌë́rarin. Caꞌtanoꞌsanënpitari ochinanpi: —¡Catahuacoi Maistro chimiitarihuaꞌ! ¿Co ina yonquiranhuëꞌ ti? itopi.

Lucas 12:22

Ina quëran caꞌtanoꞌsanënpita itapon: “Aꞌnaquën maꞌsharáchin yonquipi. Capacaisoꞌ, oꞌocaisoꞌ, aꞌmocaisoꞌ, inasáchin yonquipi. ‘Nani maꞌsha yaꞌhuëtohuachinco, nóya yaꞌhuarahuë,’ topirinahuëꞌ yonquinëna quëran. Ama iyaroꞌsaꞌ ina pochin cancantocosohuëꞌ.

Lucas 12:26

Canpitaora co mantaꞌ nanitapapiramahuëꞌ. Yosë nohuanton, noya yaꞌhuëramaꞌ. Napoaton sano yonquiatomaꞌ, yaꞌhuëcoꞌ.

Juan 10:13

Canacaso marëáchin sacatërin niꞌton, co inapita yonquiatonhuëꞌ, taꞌananpirin.

Filipenses 4:6

Maꞌsha onpohuatamaꞌ, ama paꞌyancosohuëꞌ. Ama nisha nisha yonquicosohuëꞌ. Yosë nontocoꞌ catahuainquëmaꞌ. Maꞌsha pahuantohuachinquëmaꞌ, nitocoꞌ. “Ma noya catahuarancoi niꞌton, ‘Yosparinquën, Sinioro,’ ” itocoꞌ.