1 Pedro 5:1 - Chayahuita (Shahui)

¹ Yaꞌipi ansianoꞌsanquëmantaꞌ pënënanquëmaꞌ. Cantaꞌ ansianoco niꞌto, achinicancainquëmaꞌ, tënahuë. Quisocristo isoroꞌpaquë nipon, nohuitërahuë. Corosëquë parisitohuachina, cari niꞌnahuë niꞌton, shaꞌhuirárahuë. Oꞌmantahuachin, canpoantaꞌ inarëꞌquënpoaꞌ huaꞌanëntarihuaꞌ. Napoaton iporasoꞌ pënënaranquëmaꞌ noya nicacamaso marëꞌ.

1 Pedro 5:1 ပူးပေါင်းရင်းမြစ်များ

Lucas 24:48

Canpitasoꞌ niꞌnamaco. Natanamaco. Yaꞌipiya shaꞌhuitoncoꞌ.

Hechos 1:8

Iporaso nipirinhuëꞌ Ispirito Santo naꞌcon catahuarinquëmaꞌ. Yaꞌcoancantohuachinquëmaꞌ, nóya pënëntaramaꞌ. Ina nohuanton, nani maꞌsha nanitaparamaꞌ. Yaꞌipi naporahuësoꞌ niꞌnamaꞌ, nani nitotëramaꞌ. Aꞌnapitantaꞌ shaꞌhuitocoꞌ. Quirosarinquë chachin shaꞌhuitocoꞌ. Ina quëran yaꞌipi Cotia parti paatomaꞌ, shaꞌhuitoncoꞌ. Samaria partintaꞌ shaꞌhuitoncoꞌ. Yaꞌipi parti paatomaꞌ, shaꞌhuitëraꞌpiacoꞌ, itërin Quisosori.

Hechos 11:30

Nani coriqui yontonpachinara, Pirnapi, Saono, inapita quëtopi quëpacaiso marëꞌ. Quirosarinquë quëparahuatonaꞌ, ansianoꞌsaꞌ quëtonpi pahuantërinsopita quëtacaiso marëꞌ.

Hechos 14:23

Yapaꞌpachinara, aꞌnaya aꞌnaya Quisoso imapisopitaquë ansianoꞌsaꞌ acoraꞌpiapi. Noya nipisopitaráchin acoraꞌpiapi. Co coshatatonaraihuëꞌ, inapita marëꞌ Yosë nontopi: “Yaꞌipi isopita, Sinioro, noya natërinënquën. Noya aꞌpaiquëꞌ,” itopi. Cara ninanoquë chachin napopi.

Hechos 15:4

Quirosarinquë canconpachinara, yaꞌipi Quisoso huëntonënquë yaꞌconpisopita noya nontopi. Caꞌtanoꞌsaꞌ, ansianoꞌsaꞌ, inapitantaꞌ noya nontopi. Ina quëran Paonori yaꞌipi shaꞌhuitërin: “Aquë iyaroꞌsaꞌ paꞌnai Quisoso nanamën shaꞌhuitaꞌhuaiso marëꞌ. Yosë noya catahuarincoi. Nisha piyapiꞌsantaꞌ Quisoso imasapi. Nisha nisha ninanoquë niyontonapi,” itërin.

Hechos 15:6

Napoaton caꞌtanoꞌsaꞌ, ansianoꞌsaꞌ, inapita niyontonpi nisha nisha yonquipisoꞌ natanacaiso marëꞌ.

Hechos 2:32

Iporasoꞌ Quisoso chachin Yosëri ananpitaantarin. Quiyari niꞌnai.

Hechos 20:17

Miritoquë nonshirahuaton, Ipisoquë nanan aꞌparin. “Yaꞌipi ansianoꞌsaꞌ shaꞌhuitëquëꞌ huëꞌinaꞌ,” itërin. Shaꞌhuitonpachinara, aꞌnaroáchin huëꞌpi Paono nicacaiso marëꞌ.

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

Hechos 21:18

Tahuëririnquë Paono paꞌnin Santiaco nicapon. Quiyantaꞌ paꞌnai. Yaꞌipi ansianoꞌsaꞌ inaquë nani niyontonpi.

Hechos 3:15

Quisoso mini ananpirinpoaso nipirinhuëꞌ, atëpatëramaꞌ. Tëpapirinahuëꞌ, Yosëri ananpitaantarin. Quiyasoꞌ niꞌnai.

2 Corintios 5:1

Niꞌcoꞌ. Pëiꞌ nëꞌmëtë quëran nipachinara, co huaꞌquirinhuëꞌ. Inapochachin nonënpoantaꞌ co yaꞌhuëmiatarinhuëꞌ. Chiminpatëhuaꞌ, Yosëꞌpaꞌ paꞌpatëhuaꞌ, nasha nonënpoaꞌ Yosë quëtarinpoaꞌ. Noya noya nininsoꞌ quëtarinpoaꞌ. Inasoꞌ co onporontaꞌ chanatarinhuëꞌ.

2 Corintios 5:8

Napoaton chiníquën cancantërëhuaꞌ. “Chiminpatëhuaꞌ, Quisocristorëꞌquënpoaꞌ yaꞌhuëcontarihuaꞌ. Inasoꞌ noya noya,” tënëhuaꞌ.

Filipenses 1:19

Nani tahuëri ca marëꞌ Yosë nontëramaꞌ. Naporahuaton, Ispirito Santo nani tahuëri catahuarinco. Napoaton co paꞌyanahuëꞌ. Ocoiarinaco nimara. Co casoꞌ nitotërahuëꞌ. Yosëíchin nitotërinsoꞌ. Maꞌsona tërantaꞌ onpotohuachinaco, inantaꞌ noya, tënahuë. Noyasáchin Yosë yonquirinpoaꞌ. Ina marëꞌ noya cancantarahuë.

1 Timoteo 5:1

Mashoroꞌsaꞌ co noyahuëꞌ nipachinaꞌ, ama noꞌhuiquësohuëꞌ. Tata pochin nicaton, sanoanan quëran pënënquëꞌ. Napopináchin piꞌipitëramasoꞌ, iyaparin pochin niꞌquëꞌ. Inapitantaꞌ nosoroaton, sanoanan quëran pënënquëꞌ.

1 Timoteo 5:19

Nanan natantohuatan, ama aꞌnaroáchin natëquësohuëꞌ. Aꞌna piyapiriachin ansiano shaꞌhuirapihuachin, co natëcasoꞌ yaꞌhuërinhuëꞌ. Catoyaꞌpihuë nipon, carayaꞌpihuë nipon, inachachin shaꞌhuirapihuachinaꞌ, naporo huarëꞌ natëtëquëꞌ.

2 Timoteo 4:8

Napoaton Yosëꞌpaꞌ acanaarinco. Quisocristo oꞌmantahuachin, coisë pochin nicaton, noꞌtëquën shaꞌhuitarinpoaꞌ. Naporoꞌ noya ninahuëso marëꞌ acanaarinco. Co casáchin acanaarincohuëꞌ. Aꞌnapitantaꞌ Quisocristo nosoroatonaꞌ, “Manóton oꞌmantaꞌin,” topisopitantaꞌ Yosëꞌpaꞌ canaapi.

Tito 1:5

Crita parti yaꞌhuarihuaꞌ, aꞌnaya aꞌnaya ninanoquë aꞌchintopirëhuahuëꞌ, pahuanarin yaꞌipi aꞌchinacasoꞌ niꞌton, inaquë huëshiranquën: “Imapisopita yaꞌipi aꞌchintacaso yaꞌhuërinso aꞌchintëquëꞌ. Naporahuaton, yaꞌipi ninanoroꞌsaquë ansianoꞌsaꞌ acoraꞌpiaquëꞌ,” itëranquën.

Filemón 1:9

Nani casoꞌ mashotërahuë. Quisocristo imarahuëso marëꞌ tashinan pëiquë poꞌmorinaco. Napoaton iyasha nosoroatanco, Onisimontaꞌ nosoroquëꞌ, tënahuë. Tashinan pëiquë yaꞌhuasoco, inasoꞌ niꞌquirinco. Co huiꞌnahuë chachinhuëꞌ nipirinhuëꞌ, pënënpatëra, inantaꞌ Quisocristo imarin niꞌton, huiꞌnahuë pochin niꞌnahuë.

Hebreos 12:1

Iráca quëran huarëꞌ naꞌa piyapiꞌsaꞌ parisitaponaraihuëꞌ, imamiatopi. “Yosë catahuarinpoaꞌ,” taꞌtonaꞌ, natëpi. Napoaton inapita yonquiatëhuaꞌ, canpoantaꞌ nóya imahuaꞌ. Niꞌcoꞌ. Quëmapiꞌsaꞌ nicanacaiso marëꞌ taꞌahuachinara, chiníquën taꞌapi. Co mantaꞌ quëpapihuëꞌ. Torosarëáchin taꞌapi. Naporopi aꞌmopisoꞌ co ocoihuachinahuëꞌ, co nanitopihuëꞌ chiníquën taꞌacaisoꞌ. Inapochachin canpoantaꞌ naporopi aꞌmopisoꞌ ocoipiso pochin yaꞌipi oshanënpoaꞌ naniantahuaꞌ. Co noyahuëꞌ yonquirëhuasopita naniantatëhuaꞌ, yaꞌipi cancanënpoa quëran Quisocristo imahuaꞌ. Sacaiꞌ nipirinhuëꞌ, ahuantatëhuaꞌ, noya imahuaꞌ.

1 Pedro 1:12

Ina quëran Yosëri anitotërin. “Pahuanarin nanicasoꞌ. Aꞌna tahuëri yaꞌhuëpisopita nitotacaiso marëꞌ ca nohuanton, ninoramaꞌ,” itërin Yosëri. Canpita iyaroꞌsaꞌ nitotacamaso marëꞌ ninopi. Iporasoꞌ ina noya nanan chachin aꞌchintërainquëmaꞌ. Inápa quëran oꞌmaton, Ispirito Santo catahuarincoi noya aꞌchinaꞌhuaiso marëꞌ. Anquëniroꞌsa quëran huarëꞌ yanitotopirinahuëꞌ, co yaꞌipiya nitotopihuëꞌ.

1 Pedro 1:7

Maꞌsha onpohuatëhuaꞌ, Yosë catahuararinpoaꞌ yaꞌipi cancanënpoa quëran imacaso marëꞌ. Oro tapacaiso marëꞌ aꞌirotopiso pochin nitarinpoaꞌ. Oro inapotohuachinara, noyápiachin pipirin. Yaꞌipi nëꞌhuë huiquitahuaton, orosachin ninin. Inapochachin iporasoꞌ Yosë nohuanton, pënquë ahuiquitërëso pochin maꞌsha onpotërinpoaꞌ noya noya acoinpoaso marëꞌ. Oro paꞌton niponahuëꞌ, co yaꞌhuëmiatërinhuëꞌ. Canpoaso nipirinhuëꞌ, Yosë natëhuatëhuaꞌ, nanpimiatarihuaꞌ. Napoaton naꞌcon yonquiaꞌahuaꞌ cancanënpoa quëran huarëꞌ natëcasoꞌ. Ina Yosë nohuantërinsoꞌ. Natëmiatohuatëhuaꞌ, Yosë noya noya niꞌsarinpoaꞌ. Quisocristo oꞌmantahuachin, noya noya acorarinpoaꞌ. Ina pochin yaꞌnoarihuaꞌ.

1 Pedro 4:13

Quisocristo parisitërinso pochin parisitohuatamaꞌ, noya cancantocoꞌ. Ina quëran chiníquën nanantaton oꞌmantahuachin, noya noya cancantaramaꞌ.

1 Pedro 5:4

Quisocristo imarëhuaꞌ niꞌton, yaꞌipinpoaꞌ huaꞌanëntërinpoaꞌ. Aꞌna tahuëri oꞌmantararin. Noya ansianoꞌsaꞌ nipatamaꞌ, naporoꞌ noya canaaramaꞌ. Isoroꞌpaquë canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Inapaquëso nipirinhuëꞌ canahuatamaꞌ, yaꞌhuëtomiatarinquëmaꞌ. Noya noya yaꞌhuëcontaramaꞌ.

1 Juan 3:2

Naꞌcon, iyaroꞌsaꞌ, nosororanquëmaꞌ. Iporasoꞌ Yosë huiꞌninpita pochin niꞌninpoaꞌ. Aꞌna tahuëri noya noya acoarinpoaꞌ. Onpopinsona nicarihuaꞌ nimara. Co yaꞌipi nitochatërarëhuahuëꞌ. Nipirinhuëꞌ, Quisocristo oꞌmantahuachin, nirayarihuaꞌ. Ina niꞌpatëhuaꞌ, ina pochachin nicarihuaꞌ.

2 Juan 1:1

Ca ansianoco iso quirica ninshitaranquëmaꞌ ¿Noya canpitantaꞌ yaꞌhuaramaꞌ? Cantaꞌ noya isëquë yaꞌhuarahuë. Yosë nohuanton, canpitantaꞌ huëntonënquë nani yaꞌconamaꞌ. Noꞌtën nanan imaramaꞌ niꞌton, tëhuënchachin nosororanquëmaꞌ. Yaꞌipi Quisoso imapisopita noya nicatënënquëmaꞌ, nosororinënquëmaꞌ. Yaꞌipinquëmaꞌ yonquiatënquëmaꞌ, ninshitaranquëmaꞌ.

3 Juan 1:1

Ca ansianoco ninshitaranquën, iya Acayo. ¿Noya quëmantaꞌ yaꞌhuaran? Cantaꞌ noya isëquë yaꞌhuarahuë. Noꞌtën nanan imaran niꞌton, tëhuënchachin nosororanquën.

Apocalipsis 1:9

Ca Coanshaco ninshitaranquëmaꞌ. Canpitaroꞌco chachin imarahuë. Ina marëꞌ parisitopirëhuahuëꞌ, huaꞌanëntërinquë ayaꞌconinpoaꞌ. Quisocristo chachin catahuahuachinpoaꞌ, noya ahuantarëhuaꞌ. Yosë nanamën aꞌchinahuëso marëꞌ aparisitërinaco. Quisocristo imarahuë niꞌton, aꞌna soꞌtonꞌpaꞌ aꞌparinaco, Patomosë itopiquë.