1 Pedro 3:7 - Chayahuita (Shahui)

⁷ Canpitantaꞌ iyaroꞌsaꞌ, saꞌamaꞌ nosoroatomaꞌ noya ichiyaꞌhuëcoꞌ. Co canpita pochin chinipihuëꞌ niꞌton, noya nicatomaꞌ, sanoanan quëran nontocoꞌ. Inapitantaꞌ Quisocristo imapi niꞌton, canpitarëꞌquëma chachin Yosë huëntonënquë yaꞌconpi antaꞌ. Inapitantaꞌ nanpimiatapi. Ina yonquiatomaꞌ, saꞌamaꞌ noya nosorocoꞌ. Inapotohuatamaꞌ, Yosë nontohuatamaꞌ, catahuarinquëmaꞌ.

1 Pedro 3:7 ပူးပေါင်းရင်းမြစ်များ

Copo naporinso' 42:8

Noꞌhuiranquëmasoꞌ sanocaꞌhuaso marëꞌ, isopocoꞌ: Canchisë toro, nápo chachin carnironta quëpatomaꞌ, Copo niꞌconcoꞌ. Inari canpita marëꞌ inapita tëparahuaton yaꞌipi ahuiquitapon. Inapotahuaton canpita marëꞌ nontarinco. Nontohuachinco, noya natanahuato co maꞌsha onpotaranquëmahuëꞌ. Co noꞌtëquën yonquirapitomacohuëꞌ Copo shaꞌhuitëramaso marëꞌ, naꞌinamaꞌ. Napopiramahuëꞌ, co maꞌsha onpotaranquëmahuëꞌ. Coposoꞌ, noꞌtëquën yonquiarapitonco shaꞌhuirin,” itërin.

Mateo 18:19

Catoyanquëma tërantaꞌ napopianachin yonquiatoma Yosë nontohuatamaꞌ, Yosë natanatënquëmaꞌ, catahuarinquëmaꞌ.

1 Corintios 7:3

Quëmapiꞌsaꞌ saꞌinaꞌ noya nosoroatonaꞌ, ichihuëꞌëinaꞌ. Inapochachin sanapiꞌsantaꞌ soꞌinaꞌ nosoroatonaꞌ, huëꞌëpainaꞌ.

Efesios 3:6

Naꞌa piꞌipi cotioroꞌsaráchin Yosë chinotopi. “Nichaꞌësaranquëmaꞌ,” itaton, Yosëri naꞌcon catahuarin. Iporaso nipirinhuëꞌ nisha piyapiꞌsanquëmantaꞌ catahuarinquëmaꞌ. Noya nanan natanatomaꞌ, Quisocristo imaramaꞌ niꞌton, canpitantaꞌ nichaꞌësarinquëmaꞌ. Napoaton aꞌna huëntoínchin pochin ninëhuaꞌ.

Efesios 4:30

Co noyahuëꞌ nipatamaꞌ, Ispirito Santo sëtarin. Quisocristo imapatamara, sichoquë marca acotërëso pochin Ispirito Santo ayaꞌcoancantërinquëmaꞌ. Ayaroꞌ tahuëriquë huarëꞌ aꞌpaiarinquëmaꞌ. Naporoꞌ noyá nichaꞌësarinquëmaꞌ. Napoaton ama Ispirito Santo asëtocosohuëꞌ.

Efesios 5:33

Canpitantaꞌ iyaroꞌsaꞌ, saꞌamaꞌ naꞌcon nosorocoꞌ. Canpitaora ninosororamaso pochachin saꞌamaꞌ nosorocoꞌ. Sanapiꞌsanquëmantaꞌ soꞌyamaꞌ noya niꞌcoꞌ. Noya nicatomaꞌ, natëcoꞌ.

Efesios 6:18

Apira apira Yosë nontocoꞌ. Maꞌsha onpohuatamantaꞌ, ina nontocoꞌ catahuainquëmaꞌ. Noya yonquiatomaꞌ, chiníquën nontocoꞌ. Ispirito Santo catahuarinpoaꞌ cancanënpoa quëran huarëꞌ noya nontacasoꞌ. Ama amiatomahuëꞌ, niꞌsácoꞌ ama aꞌnanaya sopai minsëinquëmaso marëhuëꞌ. Yaꞌipi imarëhuasopita marëꞌ Yosë nontocoꞌ.

Colosenses 3:19

Canpitantaꞌ iyaroꞌsaꞌ, saꞌamaꞌ nosorocoꞌ. Ama noꞌhuicosohuëꞌ. Sanoanan quëran nontocoꞌ.

1 Tesalonicenses 4:4

Sanapi nohuantohuatamaꞌ, ama monshitocosohuëꞌ. Nitatomaꞌ, noya saꞌacoꞌ. Yosë yonquiatomaꞌ, noya ichiyaꞌhuëcoꞌ. Nani saꞌapatamaꞌ, inasáchin yonquicasoꞌ yaꞌhuërin.

Tito 3:7

Napoaton iporasoꞌ Yosë noya niꞌninpoaꞌ. Iráca oshahuanpirëhuahuëꞌ, inaora nohuanton, nosoroatonpoaꞌ, nanan anoyatërinpoaꞌ. “Huëntonënquë ayaꞌconinpoaꞌ niꞌton, aꞌna tahuëri yaꞌhuërinꞌpaꞌ yaꞌhuëcontarihuaꞌ,” taꞌtëhuaꞌ, ninarëhuaꞌ. Inatohuaꞌ nanpimiatarihuaꞌ.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

1 Pedro 3:1

Sanapiꞌsantaꞌ soꞌyahuachinaꞌ, soꞌinaꞌ natëinaꞌ. Aꞌnaquën quëmapiꞌsaꞌ co Yosë nanamën natëyátërapihuëꞌ. Inahuantaꞌ imacaiso marëꞌ soꞌinaꞌ noya natëinaꞌ. Noya nocomaꞌinaꞌ. Ama aꞌna quëmapi tëhuainasohuëꞌ. Yosë yonquiatonaꞌ, noya niinaꞌ. Noyasáchin nipachin, ina nicaton, soꞌiontaꞌ oshaquëran imapon nimara. Co saꞌini pënënpirinhuëꞌ, noya nininso marëꞌ: “Noya nanan imasarin,” tapon inantaꞌ.