1 Pedro 3:13 - Chayahuita (Shahui)

¹³ ¡Noyasáchin nipatamaꞌ, co aꞌnapita yaiꞌhuërëtarinquëmahuëꞌ!

1 Pedro 3:13 ပူးပေါင်းရင်းမြစ်များ

Proverbios 15:9

Co noyahuëꞌ nipisopita napopisoꞌ, co Siniorori ahuantërinhuëꞌ. Noyasáchin nipisopitaso nipirinhuëꞌ, nosororin.

Romanos 13:3

Noya nipatamaꞌ, co huaꞌanoꞌsaꞌ noꞌhuiarinënquëmahuëꞌ. Co natëhuatamahuëꞌ, noꞌhuiarinënquëmaꞌ niꞌton, tëꞌhuatacasoꞌ yaꞌhuërin. ¿Nohuantëramaꞌ huaꞌanoꞌsaꞌ noya nicainënquëmasoꞌ? Noya nicoꞌ nipachin noya niꞌinënquëmaꞌ.

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

1 Corintios 14:1

Napoaton iyaroꞌsaꞌ, noya ninosorocoꞌ. Ina quëran Yosë nontocoꞌ Ispirito Santo catahuainquëmaꞌ maꞌsona nohuantërinsoꞌ nicacamasoꞌ. Yosë nanamën shaꞌhuicasoꞌ naꞌcon naꞌcon nohuantocoꞌ.

Efesios 5:1

Yosë nosoroatonpoaꞌ, huiꞌninpita pochin niꞌninpoaꞌ. Tatanpoaꞌ niꞌton, ina nonahuanꞌ.

1 Tesalonicenses 5:15

Aꞌnapita maꞌsha onpotohuachinënquëmaꞌ, ama yaiꞌhuërëtocosohuëꞌ. Nani tahuëri noya nontocoꞌ. Noꞌhuipirinënquëmaontaꞌ, nosoroatomaꞌ, catahuacoꞌ. Canpita capini ninosoroatomaꞌ, aꞌnapita piyapiꞌsantaꞌ catahuacoꞌ.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.